Foto: videodan kadr
Abai oblysynyń kámeletke tolmaǵandar isteri jónindegi mamandandyrylǵan aýdanaralyq soty Semeidegi altynshy synyp oqýshysyn uryp-soqqan jasóspirimderge qatysty isti qarady, dep habarlaidy Ult.kz.
Oqiǵa barysy
Sotta anyqtalǵandai, kámeletke tolmaǵan eki bala jábirlenýshini óz úiiniń aýlasynda tosyp alyp, janjal shyǵarǵan. Keiin taǵy birneshe jasóspirim kelip, jábirlenýshini jylý qazandyǵyna aparyp, soqqyǵa jyqqan. Olardyń áreketin basqa jasóspirimder videoǵa túsirgen.
Sot sheshimi
- Eki ul 11 jasqa tolmaǵandyqtan, olardy zańǵa sáikes arnaiy mektepke jiberý múmkin bolmady.
- Videony túsirgen 12 jastaǵy qyzdyń quqyq buzýshylyq jasamaǵany, sabaqty jaqsy oqityny jáne arnaiy esepte turmaǵany anyqtaldy. Ol jáne eki ul iývenaldy politsiianyń arnaiy esebine alyndy.
- Al 13 jáne 16 jastaǵy eki qyz tórt ai merzimge deviantty minez-qulyqty balalarǵa arnalǵan mektepke jiberildi. Olardyń buǵan deiin de zań buzyp, ishimdik ishkeni jáne qoǵamdyq tártipti buzǵany anyqtaldy.
- 13 jastaǵy ul erekshe rejimdegi mektepke alty aiǵa jiberildi. Ol sońǵy eki aida eki ret qylmystyq quqyq buzýshylyq jasaǵan.
Sot úkimi boiynsha arnaiy mekteptegi merzim qajet bolǵan jaǵdaida uzartylýy múmkin.
Sot sheshimi áli zańdy kúshine engen joq.
Eske salaiyq, buǵan deiin Semeide jasóspirimderdiń altynshy synyp oqýshysyn soqqyǵa jyqqany týraly jazǵanbyz.
