Semei qalasynda zańsyz jumys istegen 10 ózbekstandyq elden shyǵaryldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, tártip saqshylary óńir aýmaǵynda «Migrant» jedel aldyn alý sharasyn júrgizip jatyr.
Sonyń barysynda kóshi-qon zańnamasyn buzǵan 100-den astam adam ákimshilik jaýapkershilikke tartylǵan.
Osy rette ýákiletti organnyń ruqsatynsyz jumys istep júrgen shetel azamattaryn anyqtaýǵa basa nazar aýdarylyp otyr.
«Semei qalasynda jeke kásipkerdiń kópqabatty úi qurylysynda zańsyz jumys istegen Ózbekstan Respýblikasynyń 10 azamaty anyqtaldy. Kásip iesine atalǵan quqyq buzýshylyq boiynsha 30 AEK kóleminde aiyppul salyndy. Al sheteldikter sot sheshimimen el aýmaǵynan shyǵarylady», – dedi oblystyq PD bastyǵy Saǵat Mádiev.
Endi sheteldikterge 5 jyl boiy Qazaqstan Respýblikasyna kirýge tyiym salyndy.
