سەمەي قالاسىندا زاڭسىز جۇمىس ٸستەگەن 10 ٶزبەكستاندىق ەلدەن شىعارىلدى, دەپ حابارلايدى قازاقپارات.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, تەرتٸپ ساقشىلارى ٶڭٸر اۋماعىندا «ميگرانت» جەدەل الدىن الۋ شاراسىن جٷرگٸزٸپ جاتىر.
سونىڭ بارىسىندا كٶشٸ-قون زاڭناماسىن بۇزعان 100-دەن استام ادام ەكٸمشٸلٸك جاۋاپكەرشٸلٸككە تارتىلعان.
وسى رەتتە ۋەكٸلەتتٸ ورگاننىڭ رۇقساتىنسىز جۇمىس ٸستەپ جٷرگەن شەتەل ازاماتتارىن انىقتاۋعا باسا نازار اۋدارىلىپ وتىر.
«سەمەي قالاسىندا جەكە كەسٸپكەردٸڭ كٶپقاباتتى ٷي قۇرىلىسىندا زاڭسىز جۇمىس ٸستەگەن ٶزبەكستان رەسپۋبليكاسىنىڭ 10 ازاماتى انىقتالدى. كەسٸپ يەسٸنە اتالعان قۇقىق بۇزۋشىلىق بويىنشا 30 اەك كٶلەمٸندە ايىپپۇل سالىندى. ال شەتەلدٸكتەر سوت شەشٸمٸمەن ەل اۋماعىنان شىعارىلادى», – دەدٸ وبلىستىق پد باستىعى ساعات مەديەۆ.
ەندٸ شەتەلدٸكتەرگە 5 جىل بويى قازاقستان رەسپۋبليكاسىنا كٸرۋگە تىيىم سالىندى.
