Semeide qala ákiminiń buiryǵymen jergilikti masshtabta tabiǵi sipattaǵy tótenshe jaǵdai jariialandy. Qurylǵan jumys komissiiasy qalany aralap, materialdyq shyǵyndy esepteidi, dep habarlady Shyǵys Qazaqstan oblysy Tótenshe jaǵdailar jónindegi baspasóz qyzmeti.
Bastapqy derekter boiynsha, Semeide Ertis ózeniniń deńgeii kóterilip 141 turǵyn úi men 596 saiajai úiin sý basyp ketti. 220-dan astam adam evakýatsiialanǵan. Munyń bári saiajai turǵyndary.
Táýlik ishinde ShQO aýmaǵynda apattyq-qutqarý sharalaryna 500 adam jumyldyrylǵan. Sý basý aýmaqtarynda 116 tehnika, 54 sý aidaityn qural, 7 júzý quraly paidalanyldy.
Sońǵy derekterge súiensek, oblysta 33 eldi mekendi sý basyp ketken.
