Foto: Videodan skrinshot
Mas kúidegi er adam politsiianyń eki birdei qyzmettik kóligin órtep jibergen, dep habarlaidy Ult.kz.
Áleýmettik jeliler men qazaqstandyq jańalyq portaldarynda eki birdei kóliktiń janyp jatqan sáti beinelengen video tarady. Kadrlar 2026 jylǵy 25 qańtarda shamamen saǵat 18:10-da Semei qalasyndaǵy ýchaskelik politsiia pýnktiniń mańynda túsirilgen. Videoda quqyq qorǵaý organdary qyzmetkerlerine tiesili Chevrolet Cobalt pen Changan markaly avtokólikterdi jalyn tolyq sharpyǵany anyq kórinedi.
Abai oblysy Politsiia departamentiniń baspasóz qyzmetiniń málimetinshe, kúdikti — buryn sottalǵan, 66 jastaǵy jergilikti turǵyn. Órt qoiǵan sátte er adam alkogoldik masań kúide bolǵan.
«Buryn sottalǵan jergilikti turǵyn alkogoldik masań kúide bola tura ýchaskelik pýnkttiń mańynda politsiia qyzmetkerlerine tiesili Chevrolet Cobalt pen Changan markaly eki avtokólikti órtep jibergen», — dep habarlady Abai oblysy PD baspasóz qyzmeti.
Oqiǵadan keiin birden oqiǵa ornyna quqyq qorǵaý organdarynyń qyzmetkerleri jetti. Kúdikti ustalyp, ýaqytsha ustaý izoliatoryna qamaldy. Atalǵan fakt boiynsha sotqa deiingi tergeý bastaldy.
Quqyq qorǵaý organdary kúdiktiniń áreketi memlekettik organdarǵa tiesili múlikti qasaqana joiý retinde saralanatynyn, bul aýyr qylmystyq jaýapkershilikke ákeletinin atap ótti.
