فوتو: ۆيدەودان سكرينشوت
ماس كٷيدەگٸ ەر ادام پوليتسييانىڭ ەكٸ بٸردەي قىزمەتتٸك كٶلٸگٸن ٶرتەپ جٸبەرگەن, دەپ حابارلايدى Ult.kz.
ەلەۋمەتتٸك جەلٸلەر مەن قازاقستاندىق جاڭالىق پورتالدارىندا ەكٸ بٸردەي كٶلٸكتٸڭ جانىپ جاتقان سەتٸ بەينەلەنگەن ۆيدەو تارادى. كادرلار 2026 جىلعى 25 قاڭتاردا شامامەن ساعات 18:10-دا سەمەي قالاسىنداعى ۋچاسكەلٸك پوليتسييا پۋنكتٸنٸڭ ماڭىندا تٷسٸرٸلگەن. ۆيدەودا قۇقىق قورعاۋ ورگاندارى قىزمەتكەرلەرٸنە تيەسٸلٸ Chevrolet Cobalt پەن Changan ماركالى اۆتوكٶلٸكتەردٸ جالىن تولىق شارپىعانى انىق كٶرٸنەدٸ.
اباي وبلىسى پوليتسييا دەپارتامەنتٸنٸڭ باسپاسٶز قىزمەتٸنٸڭ مەلٸمەتٸنشە, كٷدٸكتٸ — بۇرىن سوتتالعان, 66 جاستاعى جەرگٸلٸكتٸ تۇرعىن. ٶرت قويعان سەتتە ەر ادام الكوگولدٸك ماساڭ كٷيدە بولعان.
«بۇرىن سوتتالعان جەرگٸلٸكتٸ تۇرعىن الكوگولدٸك ماساڭ كٷيدە بولا تۇرا ۋچاسكەلٸك پۋنكتتٸڭ ماڭىندا پوليتسييا قىزمەتكەرلەرٸنە تيەسٸلٸ Chevrolet Cobalt پەن Changan ماركالى ەكٸ اۆتوكٶلٸكتٸ ٶرتەپ جٸبەرگەن», — دەپ حابارلادى اباي وبلىسى پد باسپاسٶز قىزمەتٸ.
وقيعادان كەيٸن بٸردەن وقيعا ورنىنا قۇقىق قورعاۋ ورگاندارىنىڭ قىزمەتكەرلەرٸ جەتتٸ. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. اتالعان فاكت بويىنشا سوتقا دەيٸنگٸ تەرگەۋ باستالدى.
قۇقىق قورعاۋ ورگاندارى كٷدٸكتٸنٸڭ ەرەكەتٸ مەملەكەتتٸك ورگاندارعا تيەسٸلٸ مٷلٸكتٸ قاساقانا جويۋ رەتٸندە سارالاناتىنىن, بۇل اۋىر قىلمىستىق جاۋاپكەرشٸلٸككە ەكەلەتٸنٸن اتاپ ٶتتٸ.
