Foto: Politsiia
Búgin tańǵy saǵat 06:00-de Semei qalasynda, Ertis ózeniniń janyndaǵy Beibitshilik aralynda jeńil avtokólik beton qorshaýǵa soqtyǵysyp, ózenge qulap ketti, dep habarlaidy Ult.kz.
TJM málimetine sáikes apat kezinde salonda 4 adam bolǵan. Jolaýshylardyń biri kólikten ózdiginen shyǵyp, jaǵaǵa júzip jetken. Oǵan meditsinalyq kómek qajet bolǵan joq.
Oqiǵa týraly habarlama kelip túskennen keiin birden oqiǵa ornyna TJM qyzmetkerleri baryp, izdestirý-qutqarý jumystaryn bastap ketti. Saǵat 09:00-de izdeý toby bir qaitys bolǵan adamnyń denesin taýyp, sýdan alyp shyqty. Ol odan ári tergeý áreketterin júrgizý úshin politsiia organdaryna berildi.
Qazirgi ýaqytta qutqarý operatsiiasyna: 55 qutqarýshy, 5 júzý quraly, 2 ushqyshsyz ushý apparaty, sý asty izdeýge arnalǵan eholot, 10 tehnika jumyldyrylǵan.
Operatsiiany kúsheitý úshin qosymsha Qasym Qaisenov atyndaǵy 68303 áskeri bólimnen QR TJM áskeri qyzmetshileri tartyldy, sondai-aq Shyǵys Qazaqstan oblysynan qutqarý bólimsheleri keledi.
TJM qyzmetteri oqiǵa ornynda jumys istep jatyr.
