فوتو: پوليتسييا
بٷگٸن تاڭعى ساعات 06:00-دە سەمەي قالاسىندا, ەرتٸس ٶزەنٸنٸڭ جانىنداعى بەيبٸتشٸلٸك ارالىندا جەڭٸل اۆتوكٶلٸك بەتون قورشاۋعا سوقتىعىسىپ, ٶزەنگە قۇلاپ كەتتٸ, دەپ حابارلايدى Ult.kz.
تجم مەلٸمەتٸنە سەيكەس اپات كەزٸندە سالوندا 4 ادام بولعان. جولاۋشىلاردىڭ بٸرٸ كٶلٸكتەن ٶزدٸگٸنەن شىعىپ, جاعاعا جٷزٸپ جەتكەن. وعان مەديتسينالىق كٶمەك قاجەت بولعان جوق.
وقيعا تۋرالى حابارلاما كەلٸپ تٷسكەننەن كەيٸن بٸردەن وقيعا ورنىنا تجم قىزمەتكەرلەرٸ بارىپ, ٸزدەستٸرۋ-قۇتقارۋ جۇمىستارىن باستاپ كەتتٸ. ساعات 09:00-دە ٸزدەۋ توبى بٸر قايتىس بولعان ادامنىڭ دەنەسٸن تاۋىپ, سۋدان الىپ شىقتى. ول ودان ەرٸ تەرگەۋ ەرەكەتتەرٸن جٷرگٸزۋ ٷشٸن پوليتسييا ورگاندارىنا بەرٸلدٸ.
قازٸرگٸ ۋاقىتتا قۇتقارۋ وپەراتسيياسىنا: 55 قۇتقارۋشى, 5 جٷزۋ قۇرالى, 2 ۇشقىشسىز ۇشۋ اپپاراتى, سۋ استى ٸزدەۋگە ارنالعان ەحولوت, 10 تەحنيكا جۇمىلدىرىلعان.
وپەراتسييانى كٷشەيتۋ ٷشٸن قوسىمشا قاسىم قايسەنوۆ اتىنداعى 68303 ەسكەري بٶلٸمنەن قر تجم ەسكەري قىزمەتشٸلەرٸ تارتىلدى, سونداي-اق شىعىس قازاقستان وبلىسىنان قۇتقارۋ بٶلٸمشەلەرٸ كەلەدٸ.
تجم قىزمەتتەرٸ وقيعا ورنىندا جۇمىس ٸستەپ جاتىر.
