Semei qalasynda qatty soqqan jel ekiqabatty ákimshilik ǵimarattyń shatyryn ushyryp áketti, dep habarlaidy QazAqparat.
ShQO Tótenshe jaǵdailar departamenti baspasóz qyzmetiniń málimetine súiensek, Semeide 30 naýryz kúni kúni jyldamdyǵy sekýndyna 12 metrge jetetin jel soǵyp, Chekoman aýylyndaǵy 1986 jyly salynǵan ákimshilik ǵimarattyń shatyryn ushyryp áketken.
«Atalǵan ekiqabatty ǵimaratta Qazposhta, kitaphana men dárihana ornalasqan. Shatyrdyń jalpy aýmaǵy 195 sharshy metrdi quraidy. Abyroi bolǵanda, zardap shekken eshkim joq», - dep habarlady vedomstvo ókilderi.
Qazirgi ýaqytta oqiǵa ornynda jergilikti atqarýshy organdardan qurylǵan komissiia jumys istep jatyr.
