Semei qalasynda eski kópirdiń bir sheti opyrylyp qaldy. Bul jaiynda qalalyq ákimdiktiń baspasóz qyzmeti málimdedi.
«Qurmetti semeilikter, búgin shamamen keshki 20.00 kezinde avto-jegin kópiriniń jaiaý júrginshilerge arnalǵan bóliginde plita ornynan qozǵalyp ketti. Oqiǵa ornyna qala ákiminiń orynbasary, kólik jáne avtomobil joldary bólimi men jol-patrýl qyzmetiniń ókilderi bardy. Kópir konstrýktsiiasynda aitarlyqtai qiraý, búliný belgileri baiqalmady. Degenmen qaýipsizdik maqsatynda kópirdegi qozǵalysty toqtatyp, kólik pen jaiaý adamdardyń júrýine tyiym salyndy» - dep habarlady qalalyq ákimdik.
Erteń tiisti mamandardy tartyp, kópirdi tolyq tekserýden ótkizý kózdelip otyr. Sonyń qorytyndysy boiynsha sońǵy sheshim qabyldanady.
«Júrgizýshiler men jaiaý júrginshilerdiń qabyldanǵan sharalarǵa túsinistikpen qaraýyn ótinemiz» - dep eskertedi ákimdik.
