Semeide buzaqylardyń áreketinen zardap shekken 11 jastaǵy balaǵa QR Ishki ister ministrliginiń "Dinamo" dene shynyqtyrý-sport qoǵamy qoldaý kórsetti, dep habarlaidy Ult.kz.
Semeide bolǵan buzaqylyq qazaqstandyqtardy bei-jai qaldyrmady. Qoǵamnyń jappai qoldaýynyń arqasynda mektep oqýshysy men onyń otbasy jalǵyz emes ekenin sezindi. Politsiia bul is boiynsha tergeýdi jeke baqylaýyna aldy.
QR Ishki ister ministrliginiń "Dinamo" dene shynyqtyrý-sport qoǵamy jasóspirimdi óz qamqorlyǵyna alyp, sport arqyly jigerlendirmek. Dinamolyqtar balaǵa tálimgerlik kórsetip, senimdiligin nyǵaitýǵa, ózin qorǵai bilýge úiretýdi maqsat tutyp otyr.
Abai oblysy politsiia departamentiniń bastyǵy Bektore Sultan Semeidegi "Dinamo" sport kesheninde jasóspirimdi qarsy alyp, oǵan jas sportshylarmen birge zaldy aralatyp, jattyǵý protsesimen tanystyrdy.
"Biz balaqai ózin eshqashan jalǵyz sezinbeýi úshin bar kúshimizdi salamyz. Sport – tek deneni shynyqtyrý ǵana emes, ol minezdi qalyptastyryp, qiyndyqtardy jeńýge úiretedi. Eń bastysy – sporttyq orta naǵyz otbasy siiaqty, senimdi tirek bola alady", - dep atap ótti departament basshysy.
