سەمەيدە بۇزاقىلاردىڭ ەرەكەتٸنەن زارداپ شەككەن 11 جاستاعى بالاعا قر ٸشكٸ ٸستەر مينيسترلٸگٸنٸڭ "دينامو" دەنە شىنىقتىرۋ-سپورت قوعامى قولداۋ كٶرسەتتٸ, دەپ حابارلايدى Ult.kz.
سەمەيدە بولعان بۇزاقىلىق قازاقستاندىقتاردى بەي-جاي قالدىرمادى. قوعامنىڭ جاپپاي قولداۋىنىڭ ارقاسىندا مەكتەپ وقۋشىسى مەن ونىڭ وتباسى جالعىز ەمەس ەكەنٸن سەزٸندٸ. پوليتسييا بۇل ٸس بويىنشا تەرگەۋدٸ جەكە باقىلاۋىنا الدى.
قر ٸشكٸ ٸستەر مينيسترلٸگٸنٸڭ "دينامو" دەنە شىنىقتىرۋ-سپورت قوعامى جاسٶسپٸرٸمدٸ ٶز قامقورلىعىنا الىپ, سپورت ارقىلى جٸگەرلەندٸرمەك. دينامولىقتار بالاعا تەلٸمگەرلٸك كٶرسەتٸپ, سەنٸمدٸلٸگٸن نىعايتۋعا, ٶزٸن قورعاي بٸلۋگە ٷيرەتۋدٸ ماقسات تۇتىپ وتىر.
اباي وبلىسى پوليتسييا دەپارتامەنتٸنٸڭ باستىعى بەكتورە سۇلتان سەمەيدەگٸ "دينامو" سپورت كەشەنٸندە جاسٶسپٸرٸمدٸ قارسى الىپ, وعان جاس سپورتشىلارمەن بٸرگە زالدى ارالاتىپ, جاتتىعۋ پروتسەسٸمەن تانىستىردى.
"بٸز بالاقاي ٶزٸن ەشقاشان جالعىز سەزٸنبەۋٸ ٷشٸن بار كٷشٸمٸزدٸ سالامىز. سپورت – تەك دەنەنٸ شىنىقتىرۋ عانا ەمەس, ول مٸنەزدٸ قالىپتاستىرىپ, قيىندىقتاردى جەڭۋگە ٷيرەتەدٸ. ەڭ باستىسى – سپورتتىق ورتا ناعىز وتباسى سيياقتى, سەنٸمدٸ تٸرەك بولا الادى", - دەپ اتاپ ٶتتٸ دەپارتامەنت باسشىسى.
