Semei qalasynda bir apta ishinde 215 adamǵa vaktsina salý josparlanyp otyr, dep habarlaidy "Ult aqparat".
Shahardaǵy perinataldyq ortalyqtyń jansaqtaý bóliminiń qyzmetkerleri koronavirýs infektsiiasyna qarsy ekpe aldy.
«Pandemiia tez aiaqtalyp, qalypty ómir saltyna tezirek oralý úshin vaktsina saldyrýymyz qajet. Virýsqa qarsy vaktsinatsiialanǵan adam basqalarǵa qaýip tóndirmeidi. Sondyqtan jerlesterimdi vaktsina alýǵa shaqyramyn», - deidi ortalyq qyzmetkeri Ińkár Shohatova.
Eki komponentti vaktsinanyń birinshi dozasyn alǵannan keiin, ekinshisin 21 kúnnen keiin saldyrý kerek. Eger aldaǵy úsh aptada sozylmaly aýrýlar órship ketpese jáne densaýlyq jaǵdaiy nasharlamasa, onda vaktsinatsiianyń ekinshi kezeńi bolady.
Qala boiynsha alǵashqy ekpeni ShQO Densaýlyq saqtaý basqarmasy basshysynyń orynbasary Dýman Berikuly alǵan.
«Semei qalasynda alǵashqylardyń biri bolyp osy vaktsinany ózim aldym. Ózimdi burynǵydai jaqsy sezinemin. Emhanada barlyq jaǵdai jasalǵan. Dáriger kelýshilerdiń jalpy jaǵdaiyn tekserip baryp qana vaktsinatsiialaýǵa bola ma, joq pa sony sheshedi», - dedi Dýman Berikuly.
Aita keteiik, qalaǵa barlyǵy 650 doza vaktsina kelip túsken. Bir apta ishinde 215 adamǵa egpe salý josparlanýda.
