Semeide «Abai álemi» kitaptar toptamasynyń tusaýkeseri ótti, dep habarlaidy "Ult aqparat".
Biyl joba aiasynda 12 kitap jaryqqa shyqty. Tyń kitaptardyń tusaýy Abai atyndaǵy drama teatrda kesildi. Qonaqtar kitaptyń avtorlarymen tanysyp, áńgime órbitti. Saltanatty jiynǵa Semei qalasynyń ákimi Ermak Sálimov qatysty.
«Rýhani Jańǵyrý» baǵdarlamasy aiasynda oblys ákimi Danial Ahmetovtiń qoldaýymen «Abai álemi» kitaptar toptamasy jobasy júzege asyrylyp jatyr. Ol elimizdiń mádeni murasynyń ajyramas bóligi bolyp tabylatyn daryndy jerlesterimizdiń ádebi murasyn saqtaýǵa jáne nasihattaýǵa baǵyttalǵan. Kitap toptamasynyń kelesi nómirinde keiingi 100 jylda alǵash ret orys geografiialyq qoǵamy músheleriniń jariialaǵan jumystarynyń jeke jinaqtary jaryq kóredi. Jańa basylymnyń ádebi muralarynyń qataryna Qazaqstan Respýblikasynyń 2016 jylǵy Memlekettik syilyǵynyń laýreaty, jerlesimiz Tynyshtyqbek Ábdikákimovtiń filosofiialyq týyndylary endi. Bul toptama sondai-aq jas talantty avtorlardyń óleńder jinaǵyn qamtidy», - dedi Ermak Sálimov tusaýkeser barysynda.
«Abai álemi» jobasy talantty jastardy Qazaqstannyń «ádebi kodyn» damytýǵa erekshe úles qosatyn avtorlardyń shyǵarmalaryn kópshilikke keńinen taratýdy kózdeidi.
Jobanyń redaktsiialyq keńesin belgili jazýshy, «Qurmet», «Parasat» ordenderiniń iegeri Medeý Sárseke basqarady.
«Kitap toptamasynyń ekinshi nómirine 12 kitap engen. Onyń ishinde 9 kitap - jeke avtorlardyń basylymdary. Olardyń qatarynda Nurlybek Baimuratovtyń shyǵarmalary, Tynyshtyqbek Ábdikákimniń «Jumaq tún» kitaby, Qalihan Altynbaevtyń «Qairan ómir» kitaby, Kópen Erqasovtyń «Elim meniń» kitaby, Aitmuhambet Qasymovtyń «Týǵan jer áýenderi» kitaby, Baqytjan Raisovanyń «Jeldiń kún beti» kitaby, Stanislav Chernyhtyń «Neýtomimyi kraeved Rýdnogo kraia» kitaby, Merei Qarttyń «Qarashyqtaǵy qubylystar» kitaby, Aleksandr Mesheriakovtyń «Megafonda» kitaby, Qyzyrbek Dúrginbai men Baýyrjan Igiliktiń shyǵarmalary bar», - dedi Abai atyndaǵy kitaphana direktorynyń orynbasary Gúlmira Nuǵymanova.
Kitap toptamasy 6 500 danamen jaryqqa shyqty.
