Senator Ainur Arǵynbekova Úkimet basshysyna depýtattyq saýal joldap, Semei qalasynyń máselesin sheshýdi surady. Áitpese, tuǵyndar jylýsyz qalýy múmkin, dep habarlaidy Sputnik Qazaqstan.
Búginde qalany "Teplokomýnenergo" kásiporny jylýmen qamtamasyz etip otyr. Biraq ol mekemeniń shyǵyny men qaryzy kóp. Kómir satyp alýǵa aqshasy jetpei jatyr.
"1 qazandaǵy jaǵdai boiynsha kásiporynnyń qaryzy 2,9 milliard teńgeni qurady. Sonyń ishinde jalaqy boiynsha bereshegi 318 millionǵa jetti. Qazirgi kezde túsip jatqan barlyq aqsha jalaqyǵa jumsalyp jatyr. Sonyń saldarynan jylý maýysymy toqtap, halyq jylýsyz qalýy múmkin. Al óńirdegi klimat qatal, halyqtyń ómiri men densaýlyǵyna qaýip tónip otyr", - dedi Arǵynbekova Senattyń jalpy otyrysynda.
Senatordyń aitýynsha, úkimet rezervinen shuǵyl túrde 2,4 milliard teńge bólip berý kerek.
"Esep-qisap jasaldy. Negizdemesi bar", - dep atap ótti Arǵynbekova.
Aita keteri, biyl jańadan qurylǵan Abai oblysynan eki senator sailanǵan bolatyn. Olar – Ainur Arǵynbekova men Baqytjan Baiahmetov.
