سەناتور اينۇر ارعىنبەكوۆا ٷكٸمەت باسشىسىنا دەپۋتاتتىق ساۋال جولداپ, سەمەي قالاسىنىڭ مەسەلەسٸن شەشۋدٸ سۇرادى. ەيتپەسە, تۇعىندار جىلۋسىز قالۋى مٷمكٸن, دەپ حابارلايدى Sputnik قازاقستان.
بٷگٸندە قالانى "تەپلوكومۋنەنەرگو" كەسٸپورنى جىلۋمەن قامتاماسىز ەتٸپ وتىر. بٸراق ول مەكەمەنٸڭ شىعىنى مەن قارىزى كٶپ. كٶمٸر ساتىپ الۋعا اقشاسى جەتپەي جاتىر.
"1 قازانداعى جاعداي بويىنشا كەسٸپورىننىڭ قارىزى 2,9 ميلليارد تەڭگەنٸ قۇرادى. سونىڭ ٸشٸندە جالاقى بويىنشا بەرەشەگٸ 318 ميلليونعا جەتتٸ. قازٸرگٸ كەزدە تٷسٸپ جاتقان بارلىق اقشا جالاقىعا جۇمسالىپ جاتىر. سونىڭ سالدارىنان جىلۋ ماۋىسىمى توقتاپ, حالىق جىلۋسىز قالۋى مٷمكٸن. ال ٶڭٸردەگٸ كليمات قاتال, حالىقتىڭ ٶمٸرٸ مەن دەنساۋلىعىنا قاۋٸپ تٶنٸپ وتىر", - دەدٸ ارعىنبەكوۆا سەناتتىڭ جالپى وتىرىسىندا.
سەناتوردىڭ ايتۋىنشا, ٷكٸمەت رەزەرۆٸنەن شۇعىل تٷردە 2,4 ميلليارد تەڭگە بٶلٸپ بەرۋ كەرەك.
"ەسەپ-قيساپ جاسالدى. نەگٸزدەمەسٸ بار", - دەپ اتاپ ٶتتٸ ارعىنبەكوۆا.
ايتا كەتەرٸ, بيىل جاڭادان قۇرىلعان اباي وبلىسىنان ەكٸ سەناتور سايلانعان بولاتىن. ولار – اينۇر ارعىنبەكوۆا مەن باقىتجان باياحمەتوۆ.
