2021 jylǵa arnalǵan ýran óndirý jospary 22 575 tonnany quraidy. Bul týraly QR Energetika ministri Nurlan Noǵaev málim etti, dep habarlaidy QazAqparat.
«Qazaqstan álemniń tabiǵi ýran naryǵynda kóshbasshylyq oryndy saqtaýdy jalǵastyryp keledi. Respýblika ýrannyń álemdik óndirisiniń 42 paiyzyn óndiredi. Jyldyń qorytyndysy boiynsha ýran óndirý kólemi 19 586,6 tonnany qurady. Atom energiiasyn paidalaný salasyndaǵy azamattyq-quqyqtyq jaýapkershilik máseleleri boiynsha Qazaqstan Respýblikasynyń Zańy qabyldandy. Osylaisha, elimizde iadrolyq zalal úshin azamattyq jaýapkershilik týraly Vena konventsiiasy aiasynda halyqaralyq mindettemeler iske asyrylatyn bolady», - dedi ministr vedomstvonyń alqa májilisinde.
Onyń aitýynsha, 2021 jylǵa arnalǵan ýran óndirý jospary 22 575 tonnany quraidy.
«2021 jyly jalpy aýdany 18 311 sharshy shaqyrym quraityn burynǵy Semei synaq poligonynyń aýmaǵyn keshendi ekologiialyq tekserýdi aiaqtaý josparlanyp otyr (100%). Zertteý nátijesinde burynǵy synaq aýmaǵynyń radioekologiialyq jaǵdaiy aiqyndalatyn bolady. Poligonnyń lastanǵan jerlerinde iadrolyq jáne radiatsiialyq qaýipsizdikti qamtamasyz etý úshin «Semei iadrolyq qaýipsizdik aimaǵy týraly» QR Zańyn qabyldaý josparlanǵan», - dedi Nurlan Noǵaev.
