2021 جىلعا ارنالعان ۋران ٶندٸرۋ جوسپارى 22 575 توننانى قۇرايدى. بۇل تۋرالى قر ەنەرگەتيكا مينيسترٸ نۇرلان نوعاەۆ مەلٸم ەتتٸ, دەپ حابارلايدى قازاقپارات.
«قازاقستان ەلەمنٸڭ تابيعي ۋران نارىعىندا كٶشباسشىلىق ورىندى ساقتاۋدى جالعاستىرىپ كەلەدٸ. رەسپۋبليكا ۋراننىڭ ەلەمدٸك ٶندٸرٸسٸنٸڭ 42 پايىزىن ٶندٸرەدٸ. جىلدىڭ قورىتىندىسى بويىنشا ۋران ٶندٸرۋ كٶلەمٸ 19 586,6 توننانى قۇرادى. اتوم ەنەرگيياسىن پايدالانۋ سالاسىنداعى ازاماتتىق-قۇقىقتىق جاۋاپكەرشٸلٸك مەسەلەلەرٸ بويىنشا قازاقستان رەسپۋبليكاسىنىڭ زاڭى قابىلداندى. وسىلايشا, ەلٸمٸزدە يادرولىق زالال ٷشٸن ازاماتتىق جاۋاپكەرشٸلٸك تۋرالى ۆەنا كونۆەنتسيياسى اياسىندا حالىقارالىق مٸندەتتەمەلەر ٸسكە اسىرىلاتىن بولادى», - دەدٸ مينيستر ۆەدومستۆونىڭ القا مەجٸلٸسٸندە.
ونىڭ ايتۋىنشا, 2021 جىلعا ارنالعان ۋران ٶندٸرۋ جوسپارى 22 575 توننانى قۇرايدى.
«2021 جىلى جالپى اۋدانى 18 311 شارشى شاقىرىم قۇرايتىن بۇرىنعى سەمەي سىناق پوليگونىنىڭ اۋماعىن كەشەندٸ ەكولوگييالىق تەكسەرۋدٸ اياقتاۋ جوسپارلانىپ وتىر (100%). زەرتتەۋ نەتيجەسٸندە بۇرىنعى سىناق اۋماعىنىڭ راديوەكولوگييالىق جاعدايى ايقىندالاتىن بولادى. پوليگوننىڭ لاستانعان جەرلەرٸندە يادرولىق جەنە رادياتسييالىق قاۋٸپسٸزدٸكتٸ قامتاماسىز ەتۋ ٷشٸن «سەمەي يادرولىق قاۋٸپسٸزدٸك ايماعى تۋرالى» قر زاڭىن قابىلداۋ جوسپارلانعان», - دەدٸ نۇرلان نوعاەۆ.
