Parlament Májilisi depýtaty Ermurat Bapi Úkimet saǵatynda Bas Prokýratýra ókilinen Semei ormandaryndaǵy órtke syrtqy qastandyqtyń áseri bar degen qaýeset tekserildi me jáne onyń nátijesi ne bolǵanyn surady. Bul týraly "Ult aqparat" habarlaidy.
Depýtatqa jaýap bergen Ekologiia jáne
tabiǵi resýrstar ministri Erlan Nysanbaev órt ormandaǵy aǵashqa jai túsýi saldarynan
bolǵanynyn aityp otyr.
Ermurat Bapi resmi ókilderden osy aqparat qaýeset pe, joq pa ekenin anyqtaǵysy kelgenin aitady.
«Semei ormandary, odan keiin Qostanaidaǵy ormandar órtengen kezde áleýmettik jelilerde ádeii órt qoiylǵan degen aqparat boldy ǵoi. Bul biraz jerde sóz boldy. Men prokýratýra organdarynan osy aqparat anyqtaldy ma, joq pa degen turǵyda suradym. Biraq ministr jaýap berdi. Memlekettik kommisiianyń tekserisi barysynda ondai qastandyq faktileri bolǵan joq dedi. Biraq ózim osy aqparat qaýeset pe, joq pa ekenin anyqtaǵym keldi», -dedi Ermurat Bapi.
Májilismen jýrnalisterge bergen suhbatynda ministrdiń sózine senim bildiretinin aitty.
«Qalai bolǵanda da resmi organdardyń deregine senýge týra keledi. Eshkimdi qolynan ustap almaǵannan keiin, nemese áldebir qaskúnemderdi taýyp, olardy tergeýge almaǵannan keiin, qandai ýáj aitýǵa bolady?» - deidi depýtat.
Aita keteiik, buǵan deiin Rýslan Berdenov salaǵa kóńil bólip, naqty ózgerister men qatań qadaǵalaý qajettiligin aitqan bolatyn.
Al Ekologiia jáne tabiǵi resýrstar ministri Erlan Nysanbaev ormannyń órtenýine klimattyq jaǵdailar áser etip jatqanyn aitty.
