ShQO basshysy Danial Ahmetov Semei qalasynyń ákimi Ermak Sálimovke aqpan aiynda jobanyń tehnikalyq-ekonomikalyq negizdemesi men nobaiyn ázirleýdi tapsyrdy.
Barlyq halyqaralyq talaptarǵa sai keletin sport kesheniniń qurylysy qujattardy ázirleý aiaqtalǵan soń birden, aǵymdaǵy jyly bastalmaq.
- Keshen halyqaralyq deńgeidegi sporttyq-mádeni sharalardy qabyldai alatyn ǵimarat bolmaq. Ol álemdik talaptarǵa sáikes salynyp, tiisti jabdyqtarmen qamtamasyz etiledi, - dedi oblys ákimi Danial Ahmetov keńeitilgen apparattyq keńestiń barysynda.
Sonymen qatar, keńes barysynda Abai aýdanynyń ortalyǵy Qaraýyl aýylynda bassein salynatyny belgili boldy.
Jalpy, biyl Shyǵys Qazaqstanda 27 áleýmettik-mádeni nysannyń qurylysyn júrgizý kózdelip otyr. Atap aitqanda, Óskemen, Semei, Ridder, Aiagóz qalalarynda jáne Shemonaiha, Tarbaǵatai, Úrjar aýdandarynda 11 mektep salynbaq. Oblys ortalyǵynda salynatyn eki mektep qazaq tilinde oqytatyn mektepter bolmaq.
