Sáýir aiynda Semeide 51 jastaǵy er adam qyzǵanyshtan mas kúiinde burynǵy áieline shabýyl jasaǵan. Oqiǵa áiel balalarymen birge turǵan úidiń aýlasynda bolǵan. Er adam áieldi aǵash taiaqpen 27 ret urǵan. Alǵan aýyr jaraqattarynan áiel oqiǵa ornynda kóz jumdy, dep habarlaidy ult.kz Qriminalnyi Kazahstan telegram arnasyna silteme jasap.
Qaza bolǵan áieldiń týystary er adamnyń ony jyldar boiy qorlap kelgenin, al ajyrasqannan keiin de qyzǵanysh tanytyp, janjal shyǵara bergenin aitqan. Anasyz eki kámeletke tolmaǵan bala qaldy.
Sotta aiyptalýshy óz kinásin moiyndap, jasaǵan isine ókinetinin aitty. Sot ony 12 jylǵa bas bostandyǵynan aiyrdy. Sonymen qatar er adamnan marqumnyń aǵasyna moraldyq ziiandy óteý úshin 10 million teńge óndirý týraly sheshim shyǵaryldy.
Marqumnyń týystary sot úkimimen kelisetinderin málimdedi. Endi otbasy balalardyń qamqorlyǵyna qatysty máselelermen ainalyspaq.
