سەۋٸر ايىندا سەمەيدە 51 جاستاعى ەر ادام قىزعانىشتان ماس كٷيٸندە بۇرىنعى ەيەلٸنە شابۋىل جاساعان. وقيعا ەيەل بالالارىمەن بٸرگە تۇرعان ٷيدٸڭ اۋلاسىندا بولعان. ەر ادام ەيەلدٸ اعاش تاياقپەن 27 رەت ۇرعان. العان اۋىر جاراقاتتارىنان ەيەل وقيعا ورنىندا كٶز جۇمدى, دەپ حابارلايدى ult.kz قريمينالنىي كازاحستان telegram ارناسىنا سٸلتەمە جاساپ.
قازا بولعان ەيەلدٸڭ تۋىستارى ەر ادامنىڭ ونى جىلدار بويى قورلاپ كەلگەنٸن, ال اجىراسقاننان كەيٸن دە قىزعانىش تانىتىپ, جانجال شىعارا بەرگەنٸن ايتقان. اناسىز ەكٸ كەمەلەتكە تولماعان بالا قالدى.
سوتتا ايىپتالۋشى ٶز كٸنەسٸن مويىنداپ, جاساعان ٸسٸنە ٶكٸنەتٸنٸن ايتتى. سوت ونى 12 جىلعا باس بوستاندىعىنان ايىردى. سونىمەن قاتار ەر ادامنان مارقۇمنىڭ اعاسىنا مورالدىق زيياندى ٶتەۋ ٷشٸن 10 ميلليون تەڭگە ٶندٸرۋ تۋرالى شەشٸم شىعارىلدى.
مارقۇمنىڭ تۋىستارى سوت ٷكٸمٸمەن كەلٸسەتٸندەرٸن مەلٸمدەدٸ. ەندٸ وتباسى بالالاردىڭ قامقورلىعىنا قاتىستى مەسەلەلەرمەن اينالىسپاق.
