Semei qalasynda burynǵy áielin asa qatygezdikpen óltirgen 51 jastaǵy er adam 12 jylǵa bas bostandyǵynan aiyryldy. Sondai-aq sot ony marqumnyń aǵasyna 10 mln teńge kóleminde moraldyq ótemaqy tóleýge mindettedi, dep habarlaidy ult.kz KTK arnasyna silteme jasap.
Qaiǵyly oqiǵa biyl sáýir aiynda áiel balalarymen turyp jatqan úidiń aýlasynda bolǵan. Tergeý materialdaryna sáikes, mas kúide bolǵan er adam qyzǵanyshtan burynǵy jubaiyna shabýyl jasap, ony taiaqpen 27 ret urǵan. Áiel oqiǵa ornynda kóz jumǵan.
Marqumnyń týystarynyń aitýynsha, sottalýshy áieline nekede turǵan kezde de uzaq ýaqyt boiy qysym kórsetip kelgen. Ajyrasqannan keiin de qyzǵanyshyn toqtatpai, janjal shyǵaryp júrgen.
Sot otyrysynda aiyptalýshy kinásin tolyq moiyndap, jasaǵan isine ókinetinin málimdegen.
Marqumnyń artynda kámeletke tolmaǵan eki bala qaldy.
Jábirlenýshi tarap sot úkimimen kelisetinin aityp, endi balalarǵa qatysty qamqorshylyq rásimderin júrgizý úshin qujattardy daiyndaityndaryn jetkizdi.
