سەمەي قالاسىندا بۇرىنعى ەيەلٸن اسا قاتىگەزدٸكپەن ٶلتٸرگەن 51 جاستاعى ەر ادام 12 جىلعا باس بوستاندىعىنان ايىرىلدى. سونداي-اق سوت ونى مارقۇمنىڭ اعاسىنا 10 ملن تەڭگە كٶلەمٸندە مورالدىق ٶتەماقى تٶلەۋگە مٸندەتتەدٸ, دەپ حابارلايدى ult.kz كتك ارناسىنا سٸلتەمە جاساپ.
قايعىلى وقيعا بيىل سەۋٸر ايىندا ەيەل بالالارىمەن تۇرىپ جاتقان ٷيدٸڭ اۋلاسىندا بولعان. تەرگەۋ ماتەريالدارىنا سەيكەس, ماس كٷيدە بولعان ەر ادام قىزعانىشتان بۇرىنعى جۇبايىنا شابۋىل جاساپ, ونى تاياقپەن 27 رەت ۇرعان. ەيەل وقيعا ورنىندا كٶز جۇمعان.
مارقۇمنىڭ تۋىستارىنىڭ ايتۋىنشا, سوتتالۋشى ەيەلٸنە نەكەدە تۇرعان كەزدە دە ۇزاق ۋاقىت بويى قىسىم كٶرسەتٸپ كەلگەن. اجىراسقاننان كەيٸن دە قىزعانىشىن توقتاتپاي, جانجال شىعارىپ جٷرگەن.
سوت وتىرىسىندا ايىپتالۋشى كٸنەسٸن تولىق مويىنداپ, جاساعان ٸسٸنە ٶكٸنەتٸنٸن مەلٸمدەگەن.
مارقۇمنىڭ ارتىندا كەمەلەتكە تولماعان ەكٸ بالا قالدى.
جەبٸرلەنۋشٸ تاراپ سوت ٷكٸمٸمەن كەلٸسەتٸنٸن ايتىپ, ەندٸ بالالارعا قاتىستى قامقورشىلىق رەسٸمدەرٸن جٷرگٸزۋ ٷشٸن قۇجاتتاردى دايىندايتىندارىن جەتكٸزدٸ.
