Abai oblysynda erekshe qorǵalatyn tabiǵi aýmaq sanalatyn «Semei ormany» memlekettik orman tabiǵi rezervatynyń jerinde paidaly qazbalardy zańsyz óndirý deregi anyqtaldy, dep habarlaidy ult.kz.
Abai oblysynyń Mamandandyrylǵan tabiǵat qorǵaý prokýratýrasynyń málimetinshe, zań buzýshylyq «Semei ormany» MOTR MM-niń Taý-Dala filialyna qarasty Úlken-Bóken ormanshylyǵy aýmaǵynda tirkelgen.
Prokýrorlyq tekserý barysynda belgisiz tulǵalardyń memlekettik orman qory jerinde zańsyz qazba jumystaryn júrgizgeni belgili bolǵan. Sonyń saldarynan topyraqtyń qunarly qabaty búlinip, jasyl jelekter joiylǵan.
Ormanshylyqtyń esebine sáikes, tabiǵatqa keltirilgen zalal kólemi 228 million teńgeden asqan.
Atalǵan fakti boiynsha Qazaqstan Respýblikasy Qylmystyq kodeksiniń 334-baby 3-bóligi 3) tarmaǵy boiynsha, iaǵni jer qoinaýyn óz betinshe paidalaný deregimen sotqa deiingi tergep-tekserý bastaldy.
Prokýratýra ókilderi erekshe qorǵalatyn tabiǵi aýmaqtarda zańsyz sharýashylyq qyzmet júrgizý men jer qoinaýyn ruqsatsyz paidalanǵany úshin zańnamada qylmystyq jaýapkershilik kózdelgenin eskertti.
Vedomstvonyń habarlaýynsha, ekologiialyq zańnamanyń saqtalýyn baqylaý jalǵasady jáne qorshaǵan ortaǵa keltirilgen árbir zalal faktisine quqyqtyq baǵa berilip, shyǵyndy tolyq óndirý sharalary qabyldanady.
