Sekiýritizatsiia jáne saqtandyrýdyń qarapaiym jumys tetigin qurý qajet. Bul týraly Tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Buǵan deiingi daǵdarystardyń nátijesinde bankterdiń balansynda ekonomikalyq ainalymnan shyǵyp qalǵan jumys istemeitin aktivterdiń aitarlyqtai mólsheri jinalyp qaldy. Banktik qurylym jumys istemeitin aktivterdi júzege asyrýdyń tyńǵylyqty jobasyn ázirleýi, buǵan qosa bank qyzmetkerleriniń jaýapkershiligin baqylaý jáne baǵalaýy qajet», - dedi QR Prezidenti.
Memleket basshysynyń atap ótýinshe, Qarjy naryǵyn retteý jáne damytý agenttigi táýekelge baǵdarlanǵan qadaǵalaý aiasynda bankterdiń kúizeliske ushyraǵan aktivtermen jumysyna monitoring jáne baqylaýdy kúsheitýi qajet.
«Jumys istemeitin aktivterdiń órkenietti naryǵyn qurý júieli sheshim sanalady. Sekiýritizatsiia jáne saqtandyrýdyń qarapaiym ári jumys tetigin qurý qajet», - dedi Qasym-Jomart Toqaev.
