8 aidyń qorytyndysy boiynsha memlekettik biýdjetke 4 trln 512 mlrd teńge kiris kirdi. Bul týraly Úkimet otyrysynda QR Qarjy ministri Baqyt Sultanov aitty, dep habarlaidy Baq.kz tilshisi.
«8 aidyń qorytyndysy boiynsha memlekettik biýdjetke 4 trln 512 mlrd teńge kiris kirdi. 194,5 mlrd teńge nemese 104,5% jospardan artyq oryndaldy. Sondai-aq, respýblikalyq biýdjet boiynsha da jospar 102,2%-ǵa artyq oryndaldy. Nátijesinde 3 trln 83 mlrd teńgege kiris kirip, 67 mlrd teńgege artyq qarjy tústi», - dedi ministr.
Osy oraida Baqyt Sultanov biyl jospardyń oidaǵydai oryndalyp jatqanyn alǵa tartty.
«Aǵymdaǵy jylǵy jospardy oryndaý ótken jyldyń kezeńimen salystyrǵanda ósý qarqyny jaǵynyn oń serpin baiqaldy. Máselen memlekettik biýdjettiń kiristeri ótken jylmen salystyrǵanda 367 teńgege nemese 109%-ǵa ulǵaidy. Onyń ishinde 106% ósý qarqyny men 172 mlrd teńgesi respýblikalyq biýdjet boiynsha, al 195 mlrd teńge jergilikti biýdjetter boiynsha. Olardyń ósýi 115,8% bolyp qalyptasty», - dedi vedomstvo basshysy.
