8 ايدىڭ قورىتىندىسى بويىنشا مەملەكەتتٸك بيۋدجەتكە 4 ترلن 512 ملرد تەڭگە كٸرٸس كٸردٸ. بۇل تۋرالى ٷكٸمەت وتىرىسىندا قر قارجى مينيسترٸ باقىت سۇلتانوۆ ايتتى, دەپ حابارلايدى Baq.kz تٸلشٸسٸ.
«8 ايدىڭ قورىتىندىسى بويىنشا مەملەكەتتٸك بيۋدجەتكە 4 ترلن 512 ملرد تەڭگە كٸرٸس كٸردٸ. 194,5 ملرد تەڭگە نەمەسە 104,5% جوسپاردان ارتىق ورىندالدى. سونداي-اق, رەسپۋبليكالىق بيۋدجەت بويىنشا دا جوسپار 102,2%-عا ارتىق ورىندالدى. نەتيجەسٸندە 3 ترلن 83 ملرد تەڭگەگە كٸرٸس كٸرٸپ, 67 ملرد تەڭگەگە ارتىق قارجى تٷستٸ», - دەدٸ مينيستر.
وسى ورايدا باقىت سۇلتانوۆ بيىل جوسپاردىڭ ويداعىداي ورىندالىپ جاتقانىن العا تارتتى.
«اعىمداعى جىلعى جوسپاردى ورىنداۋ ٶتكەن جىلدىڭ كەزەڭٸمەن سالىستىرعاندا ٶسۋ قارقىنى جاعىنىن وڭ سەرپٸن بايقالدى. مەسەلەن مەملەكەتتٸك بيۋدجەتتٸڭ كٸرٸستەرٸ ٶتكەن جىلمەن سالىستىرعاندا 367 تەڭگەگە نەمەسە 109%-عا ۇلعايدى. ونىڭ ٸشٸندە 106% ٶسۋ قارقىنى مەن 172 ملرد تەڭگەسٸ رەسپۋبليكالىق بيۋدجەت بويىنشا, ال 195 ملرد تەڭگە جەرگٸلٸكتٸ بيۋدجەتتەر بويىنشا. ولاردىڭ ٶسۋٸ 115,8% بولىپ قالىپتاستى», - دەدٸ ۆەدومستۆو باسشىسى.
