Foto: Pixabay.com
Býrabai aýdandyq sotynda 4 kýrs stýdentine qatysty ózin-ózi óltirýge deiin jetkizý isi qaralyp jatyr. 11 aiyptalýshyǵa qatysty sot jabyq túrde ótedi, - dep habarlaidy Tengrinews.kz portaly Aqmola oblystyq sotynyń saityna silteme jasap.
Býrabai aýdandyq sotynyń tóraǵasy Ásel Ábimuratova BAQ ókilderine bopsalaý, buzaqylyq jáne kámeletke tolmaǵan balany óz-ózine qol jumsaýǵa deiin jetkizý boiynsha aiyp taǵylyp otyrǵan 11 sottalýshyǵa qatysty atyshýly qylmystyq is boiynsha brifing ótkizdi.
Sot tóraǵasy sottalýshylarǵa qandai aiyp taǵylǵanyn, is boiynsha sot otyrystary qalai ótetinin, sot otyrysy barysynda kámeletke tolmaǵan protseske qatysýshylardyń quqyǵy men múddesi qalai qorǵalatynyn túsindirdi.
"QIJK-niń 29-babyna sáikes kámeletke tolmaǵandardyń qylmystyq quqyq buzýshylyqtary týraly ister boiynsha, sondai-aq jábirlenýshiniń, kýányń nemese iske qatysatyn basqa da adamdardyń, sondai-aq olardyń otbasy músheleriniń nemese jaqyn týystarynyń qaýipsizdik múddeleri talap etilgen jaǵdailarda jabyq sot talqylaýyna jol beriledi", - delingen habarlamada.
Sot Qylmystyq is júrgizý kodeksiniń 532-baby erejeleri qylmystyq is júrgizýdiń barlyq satylarynda kámeletke tolmaǵan sottalýshynyń qupiialylyq quqyǵyn saqtaýdy kózdeitinin atap ótti.
Sóz sońynda bul qylmystyq is boiynsha sot otyrystary jabyq esik jaǵdaiynda ótetini aityldy.
"Sottyń úkimi jariialanyp, kópshilikke túsindiriledi", - dep qorytyndylady sot.
Eske salaiyq, 6 qazanǵa qaraǵan túni Shýchedegi temirjol boiynda Joǵary tehnikalyq kolledjdiń 4-kýrs stýdentiniń máiiti tabylǵan bolatyn. Roman Bodagovtyń denesi Býrabai kýrorty men Jamantuz aralyǵynan tabylǵan.
