15 maýsym kúni SCAT Airlines áýe kompaniiasy Shymkent – Novosibir jańa halyqaralyq baǵyty boiynsha alǵashqy reisin oryndady. Bul baǵyt kompaniianyń halyqaralyq marshrýttyq jelisin damytýdaǵy kezekti qadam bolyp, jolaýshylarǵa Qazaqstannyń ońtústiginen Sibirdiń eń iri qalasyna tikelei qatynaýǵa múmkindik berdi, dep habarlaidy ult.kz.
Endi Shymkentten Novosibirge eshqandai aialdamasyz, jyldam ári jaily jetýge bolady. Ushý kestesi birneshe kúndik saparlarǵa, iskerlik kezdesýlerge, oqýǵa, demalysqa nemese jaqyndarǵa qonaqqa barýǵa yńǵaily etip jasalǵan.
Ushý kestesi:
• Shymkent – Novosibir — dúisenbi jáne beisenbi kúnderi
• Novosibir – Shymkent — seisenbi jáne juma kúnderi
Reister SCAT Airlines áýe kompaniiasynyń zamanaýi ushaqtarymen oryndalady. Ushý kestesi jolaýshylarǵa qysqa merzimdi de, uzaq saparlardy da yńǵaily josparlaýǵa múmkindik beredi.
Jańa baǵyt – Shymkent arqyly jańa múmkindikter
Shymkent SCAT Airlines kompaniiasynyń negizgi habtarynyń biri retindegi rólin nyǵaityp keledi. Jańa reis eki iri qalany tikelei bailanystyryp qana qoimai, Qazaqstannyń ońtústik megapolisi arqyly tranzittik saparlar múmkindigin de keńeitedi.
Novosibir turǵyndary Shymkent arqyly yńǵaily túiisý reisterin paidalanyp, SCAT Airlines marshrýttyq jelisindegi ózge baǵyttarǵa sapar shege alady. Shymkentten Sharm-el-Sheih, Ystanbul, Tbilisi, Býdapesht, Miýnhen, Kamran jáne Sian qalalaryna reister qoljetimdi.
Al Shymkent turǵyndary úshin jańa reis Sibirdiń eń qarqyndy damyp kele jatqan qalalarynyń biri – Novosibirge artyq aialdamalarsyz jáne uzaq kútýsiz jetýge jol ashady.
Novosibir – ǵylymnyń, teatrlardyń jáne úlken múmkindikterdiń qalasy
Novosibir – Sibirdiń iri iskerlik, bilim berý jáne mádeni ortalyǵy. Munda zamanaýi megapolis qarqyny ǵylymi ortalyqtardyń, teatr óneriniń jáne keń qoǵamdyq keńistikterdiń erekshe atmosferasymen úilesedi.
Qalada tanymal ýniversitetter men ǵylymi-zertteý ortalyqtary ornalasqan. Onyń basty mádeni nysandarynyń biri – óńirdegi eń iri teatrlardyń sanatyna kiretin Novosibir memlekettik akademiialyq opera jáne balet teatry. Qala qonaqtary Ob ózeniniń jaǵalaýyn, saiabaqtardy, zamanaýi qoǵamdyq keńistikterdi jáne Sibirmen tanysýdy bastaityn týristik baǵyttardy jii tańdaidy.
SCAT Airlines-tyń jańa reisi Novosibirdi týristerge, stýdentterge, kásipkerlerge jáne buǵan deiin tek tranzit arqyly qatynai alǵan barlyq jolaýshylarǵa burynǵydan da jaqyndata túsedi.
Biletterdi scat.kz resmi saitynan, SCAT Airlines mobildi qosymshasynan, sondai-aq barlyq aviakassalar men brondaý servisteri arqyly satyp alýǵa bolady.
