"Sberbank Qazaqstannyń" ataýy "Bereke bank" bolyp ózgeredi.
Bul týraly "Báiterek" ulttyq basqarýshy holdinginiń basqarma tóraǵasy Qanat Sharlapaev jýrnalist Dmitrii Shishkinge bergen suhbatynda aitty, - dep habarlaidy Massaget.kz portaly.
Sharlapaevtyń aitýynsha, reseilik "Sberbankten" satyp alynǵan Qazaqstandaǵy enshiles bank rebrendingten ótip, jańa ataý almaq.
"Rebrending mindetti túrde bolady. 1 qyrkúiekte menshik quqyǵyn berý tranzaktsiiasyn japtyq. Jańa bank "Bereke bank" dep atalady. Qazaqsha jaqsy sóz, muny barlyǵymyz bir-birimizge tileimiz. Sondyqtan bul bank buǵan deiin jumys istegen qundylyqtar men umtylysty kórsetedi dep oilaimyn jáne ári qarai da solai jumys isteidi dep úmittenemiz", - dedi Sharlapaev.
2022 jyldyń 2 qyrkúieginde "Báiterek" Ulttyq basqarýshy holdingi "Sberbanktiń" enshiles bankinen barlyq aktsiialaryn satyp alý boiynsha mámileni aiaqtaǵany belgili boldy.
Mámile ózara qolaily qarjylyq sharttarmen jasalyp, barlyq qajetti retteýshilik maquldaýlardan ótkeni aityldy.
"Bank klientter aldyndaǵy barlyq mindettemelerin oryndaýdy jalǵastyrady, qoldanystaǵy klientter úshin bank ónimderiniń barlyq sharttary ózgerissiz qalady.
"Báiterek" holdingi banktiń eldiń qarjy júiesi úshin mańyzdylyǵyn joǵary baǵalaidy. "Sberbank Qazaqstan" qoljetimdi zamanaýi infraqurylym men tehnologiialar is-sharalardy tolyq júzege asyrýǵa jáne el ekonomikasynyń naqty sektoryn qarjylandyrýdy jalǵastyrýǵa múmkindik beredi", - dedi holding ókilderi.
