Sberbank Qazaqstan jáne onyń barlyq júiesi shtattyq tártipte jumys isteidi, jeke jáne zańdy tulǵalarǵa qarajattar men servister tolyq kólemde qoljetimdi, dep habarlaidy QazAqparat atalǵan banktiń baspasóz qyzmetine silteme jasap.
«Teńgedegi jáne shetel valiýtasyndaǵy shottardan aqsha sheship alý jáne olardy tolyqtyrý ofisterde, bankomattarda, Sber KZ mobildi qosymshasynda jáne SberBizneste, sondai-aq basqa da qyzmet kórsetý kanaldarynda shekteýsiz qoljetimdi. Barlyq tólem júieleriniń plastikalyq kartalary boiynsha taýarlar jáne qyzmet aqysyn tóleý, aqsha aýdarymdary jáne operatsiialar júrgizilip jatyr jáne tolyq kólemde qoljetimdi bolady. Valiýta aiyrbastaý shekteýsiz júrgiziledi», - delingen habarlamada.
Qabyldanǵan shekteýler klientterdiń qarajattarynyń saqtalýyna jáne qoljetimdiligine áser etpeidi.
Sberbanktiń oryn alǵan jaǵdaida qalypty jumys isteý úshin barlyq qajetti resýrstary men tájiribesi bar.
