Foto: gov.kz
Túrkistan oblysy prokýratýrasynyń sotqa deiingi tergep-tekserý basqarmasynyń arnaiy prokýrorlary 13 jyl buryn jasalǵan kisi óltirý deregi boiynsha tergeýdi aiaqtady, dep habarlaidy Ult.kz.
Tergeý materialdaryna sáikes, 2012 jylǵy 12 qazanda Sairam aýdanynda alty er adam jábirlenýshini soqqyǵa jyǵyp, keiin ony Shymkent qalasyndaǵy jaldamaly páterge jetkizgen. Alaida qylmystyń ózge mán-jailary quqyq qorǵaý organdary tarapynan jariia etilmei otyr.
Bas prokýratýranyń habarlaýynsha, atalǵan alty kúdiktige qatysty sot qamaýda ustaý túrindegi bultartpaý sharasyn sanktsiialaǵan. Qylmystyq is sotqa joldandy.
Ishki ister ministrliginiń jedel-kriminalistikalyq departamenti ótken jyldardaǵy qylmystardy ashý baǵytyndaǵy jumysty kúsheitkenin málimdedi. Departament basshysy Sergei Stiheevtiń aitýynsha, zamanaýi tehnologiialar men arhivtik materialdardy qaita saralaý arqyly ondaǵan jyl buryn jasalǵan qylmystardyń beti ashylyp jatyr.
Aita keteiik, 2025 jyldyń jeltoqsan aiynyń basynda Qazaqstanda 70 jastaǵy áieldi óltirý jáne zorlaý deregi 20 jyldan keiin ashylǵany belgili boldy. Bul qylmys 2006 jyly Qaraǵandy oblysynda jasalǵan. Qaskúnem qylmys ornynda biologiialyq izder qaldyrǵan.
Zamanaýi kriminalistikalyq ádisterdiń kómegimen kúdikti anyqtalyp, ol óz kinásin moiyndaǵan.
