Túrkistan oblysynda 50 jyldyq mereitoi anyqtalyp, tarqatyldy, dep habarlaidy "Ult aqparat".
Túrkistan oblysy bas memlekettik sanitar dárigeriniń qaýlysy negizinde, karantin rejimine birqatar shekteý sharalary engizilgen.
Osy talaptardyń saqtalýyn qadaǵalaý maqsatynda Sairam APB qyzmetkerleri jáne jergilikti atqarýshy organdardan mobildi toptar qurylyp, qarqyndy jumys júrgizýde.
Sonyń nátijesinde Qazaqstan Respýblikasy ÁQBtK 425-babyn buzý boiynsha Sairam aýdanynda jyl basynan beri 114 ákimshilik quqyq buzýshylyq anyqtalǵan.
Onyń barlyǵynyń is-qujattary Sairam aýdandyq sanitariialyq-epidemiologiialyq baqylaý basqarmasyna jiberildi.
Máselen, osy baǵyttaǵy jumys barysynda politseiler Sairam aýdany Mankent aýyly Ainabulaq kóshesinde ornalasqan «Aqtilek» toihanasynda 50 jyldyq toi ótip jatqanyn anyqtady.
Toihanada shamamen 50-ge jýyq adam bolǵan.
Politseiler birden áreket etip, toidy toqtatyp, qonaqtardy qaitardy.
Osyǵan orai halyqtyń shoǵyrlanýyna jol berip, karantin talabyn oryndamaǵany úshin toihana egesi men toi iesine qatysty is-qujattar rásimdelip, Sairam aýdandyq sanitariialyq-epidemiologiialyq baqylaý basqarmasyna joldanǵan.
