10 qańtarda QR Parlamenti Májilisi men Máslihat depýtattaryn sailaý ótedi. Sailaý protsesi qalai ótetinin aimaqtyq sailaý komissiiasynyń tóraǵasy Janna Asanova aityp berdi, dep habarlaidy QazAqparat.
Pandemiiaǵa bailanysty qalada turǵyndardyń qaýipsizdigi úshin barlyq jaǵdai jasalǵan.
Sailaý ýchaskeleri tańǵy 07:00 -den keshki 20:00 ashyq bolady. Sailaýshylar maskamen kelýge mindetteledi.
Eger joq bolsa olarǵa kireberiste maska beriledi. Eger onyń dene qyzýy joǵary bolsa, daýys berýge tyiym salynady. Ýchaskelerde jedel járdem karetasy kezekshilik etetin bolady.
Olar qyzýy kóterilgen patsientti infektsiialyq statsionarǵa jetkizedi. Qajet bolǵan jaǵdaida adamdy aýrýhanaǵa jatqyzady.
Meditsinalyq mekemede jabyq ýchaskelerde oǵan daýys berýge múmkindik beriledi.
Daýys berýshi óz ýchaskesin 221-10-01 kýll ortalyǵy arqyly tegin bile alady nemese @sailau_almaty Telegram-bot kómegimen,sondai-aq «Open Almaty» servis ortalyǵynda jáne http://service.almaty.kz/ru arqyly bile alady. «Men nege tizimde joqpyn degen suraq kóp. Anyqtai bastaǵanda ol adamnyń basqa qalada tirkeýde turǵany anyqtalady. Almatyda tirkeýde turǵan turǵyndar qalada daýys berse, basqalary shyǵý qujaty arqyly daýys bere alady»,- dedi Janna Asanova.
Daýys berýshi tizimdelgen soń qol qoiyp, Májilis jáne máslihatqa eki biýlleten alyp shyǵady.
«Basqa aimaqtarda biýlleten kóp bolýy múmkin. Sebebi aýdandyq, oblystyq máslihat biýlletenderi bolady. Al Almatyda tek 2 biýlleten»,- dedi spiker.
Sailaý ýchaskeleri boiynsha negizgi sanitarlyq-epidemiologiialyq talaptar:
- áleýmettik qashyqtyqty saqtaý úshin daýys berý bólmesi jetkilikti mólsherde keń bolýy tiis;
- ǵimaratqa kire beriste jáne sailaý ýchaskesiniń úi-jaiynda KVI-dyń aldyn alý boiynsha aqparat ornalastyrylady;
- sailaý ýchaskesiniń aýmaǵynda jáne daýys berýge arnalǵan úi-jaida sailaýshylar leginiń baǵytyn kórsetetin belgiler ornalastyrý, 1,5-2 metr qashyqtyqty belgileý;
- daýys berýge arnalǵan úi-jaida qoldy dezinfektsiialaýǵa arnalǵan antiseptikalyq quraly bar sanitaizerlerdi ornatý;
- qajettiligine qarai daýys berýge arnalǵan kabinalarǵa sanitarlyq óńdeý júrgizý;
- dezinfektsiialaý quraldaryn paidalana otyryp, ǵimaratqa únemi ylǵaldy tazalyq júrgizý. Bul rette esik tutqalaryn, taianyshtardy, daýys berýge arnalǵan kabinalardy, ústelder men oryndyqtardyń janasý betterin, keńse tehnikasyn, daýys berýge arnalǵan statsionarlyq jáne tasymaldanatyn jáshikterdi dezinfektsiialaýǵa erekshe nazar aýdarý qajet;
- daýys berýge arnalǵan ǵimarattyń kireberisinde jáne odan shyǵatyn jerde paidalanylǵan jeke qorǵanysh quraldaryn jinaý jáne olardy odan ári kádege jaratý úshin konteinerler ornatý.
Epidemiologtardyń aitýynsha, daýys berý aldynda jáne kúni boiy bólmeni jeldetiledi.
Óz kezeginde, QR Bas memlekettik sanitar dárigeriniń № 69 Qaýlysyna sáikes, jasyryn daýys berý úshin aldyńǵy perdesi joq kabinalardy paidalaný qarastyrylǵan. Bul talap sailaý ótkizý jónindegi zańnamaǵa qaishy kelmeidi jáne 2020 jyldyń tamyzynda QR Parlamenti Senatynyń depýtattaryn sailaý kezinde de qoldanyldy. Bul shara aýanyń tabiǵi ainalymyna yqpal etedi jáne infektsiianyń taralýyn boldyrmaý úshin qosymsha jeldetýdi qamtamasyz etedi.
«Sailaý protsesine qatysýshylardyń densaýlyǵy men ómiriniń qaýipsizdigin qamtamasyz etý mańyzdy aspektilerdiń biri bolyp tabylady. Almaty qalasynyń turǵyndary men qonaqtaryn shekteý sharalaryna túsinistikpen qaraýǵa jáne ózderi men jaqyndary úshin sanitarlyq normalardy saqtaýǵa shaqyramyz. Sondai - aq, saiasi partiialardyń ókilderine barlyq talaptardy qatań jáne buljytpai oryndaýǵa jáne olardyń saqtalýyna jaýapty tulǵalardy taǵaiyndaýǵa shaqyramyz», - deidi Almaty qalasy sanitarlyq-epidemiologiialyq baqylaý departamenti basshysynyń orynbasary Ásel Qalyqova.
Aýmaqtyq sailaý komissiiasynyń aqparatyna sáikes, sailaý komissiialarynyń barlyq músheleri daýys berýge arnalǵan ǵimarattan tys jerde azamattardyń daýys berýin uiymdastyrýǵa arnalǵan betperdelermen, qorǵanysh ekrandarymen, qolǵaptarmen, sanitaizerlermen, qorǵanysh halattarymen qamtamasyz etilgen.
Koronavirýs infektsiianyń taralýyna jol bermeý maqsatynda sailaý komissiialarynyń barlyq músheleri, senim bildirilgen adamdar, baiqaýshylar PTR ádisimen COVID-19-ǵa zerthanalyq tekserýden ótedi.
Árbir zerthana integratsiia arqyly aqparattyq júiege testileýden ótken barlyq adamdar úshin mártebe beretindigin atap ótken jón, eger test oń nátije kórsetse, ol jeke derekter bazasynda tirkeledi.
Kórsetilgen júiede JSN boiynsha tekserýge Almaty qalasynyń memlekettik sanitarlyq epidemiologiialyq baqylaý organy qol jetkize alady, olar PTR-testilerdiń usynylǵan nátijeleriniń durystyǵyn teksere alady.
