QR Ortalyq sailaý komissiiasyna sailaý jariialanǵan kúnnen beri 34 ótinish kelip túsken. Bul týraly QR OSK múshesi Erlan Daýylbaev aitty, dep habarlaidy "Ult aqparat".
«Sailaý jariialanǵan kún - 21 qazannan bastap búginge deiin Ortalyq sailaý komissiiasyna 34 ótinish kelip tústi. Beseýi – jeke tulǵalardan, 29 – zańdy tulǵalardan, onyń ishinde 13 – BAQ-tan. Kóteriletin máselelerdiń sipaty boiynsha ótinishterdi bylaisha bólýge bolady. 50 paiyzy, iaǵni 17 ótinish «Sailaý týraly» Zańnyń normalaryn túsindirý týraly, 17 paiyzy – sailaý protsesin uiymdastyrý máseleleri boiynsha aqparat berý, 12 paiyzy – sailaý zańnamasyn jáne OSK qyzmetin jetildirý jónindegi usynystar, 21 paiyzy – ózge de máseleler boiynsha», - dedi ol OSK otyrysynla
Onyń aitýynsha, pandemiia jaǵdaiynda sailaýdy ótkizý, baiqaýshylardy tirkeý, múmkindigi shekteýli adamdardyń sailaý quqyqtaryn iske asyrýyn qamtamasyz etý, sailaý naýqanyna bólingen qarajatty jumsaý, azamattardy sailaýshylardyń tizimine engizý, sailaý aldynda úgit jumystaryn júrgizý jáne shet elde daýys berýdi uiymdastyrý ári ótkizý máseleleri boiynsha kelgen ótinish avtorlaryna jaýap berildi
«Kórsetilgen kezeń ishinde kelip túsken 34 ótinishtiń ishinen OSK apparaty tarapynan 22-sine belgilengen merzimde ótinish berýshilerge tolyq jaýap berildi. 4-eýi Ortalyq sailaý komissiiasynyń quzyretine kirmeitindikten zańda belgilengen tártippen memlekettik organdarǵa qaita joldandy. Bir qaita jasalǵan ótinish qaraýsyz qaldyryldy. BAQ-tyń eki aqparattyq habarlamasy OSK saitynda ornalastyryldy. 5 ótinish qaralýda. Oryndalmaǵan ótinishter joq», - dedi Erlan Daýylbaev.
