Qazaqstan halqy Assambleiasynan usynylǵan QR Parlamenti Májilisiniń depýtattaryn sailaý boiynsha Qazaqstan halqy Assambleiasynyń XXVIII sessiiasy barysynda Elbasy Nursultan Nazarbaev QHA-nyń mańyzdylyǵy týraly aitty, dep habarlaidy "Ult aqparat".
Tuńǵysh Prezident búkilhalyqtyq sailaý ótkizilip, tutas halyq bolyp eldiń bolashaǵyna daýys bergenin atap ótti.
«Bul aldaǵy besjyldyq baǵdarlamamyzdy bekitken úlken sailaý boldy. Bul sailaýda Nur Otan partiiasy taǵy da úlken jeńiske jetip, halyqtyń senimine bólendi. Sondyqtan aldymyzda aýqymdy jumystar tur. Búgin Konstitýtsiiamyz boiynsha Qazaqstan halqy Assambleiasynan sailanatyn 9 kandidatqa daýys berdik. Assambleiamyz 25 jyldan beri elimizdegi etnostar men dinderdi bir-birine jaqyndastyratyn, tózimdilikti tárbieleitin, birlikti nasihattaityn, elimizdi alǵa jeteleitin biregei organ bolyp kele jatyr», - dedi Elbasy.
Osy oraida N. Nazarbaev basqa elder Qazaqstan tájiribesin úirenip jatqanyn atap ótti. Sondyqtan Assambleiadan sailanǵan depýtattar eldiń birligin saqtap, qazaq halqynyń tóńireginde barlyq adamdardy biriktirýge óz úlesterin qosady.
Budan buryn habarlanǵandai, Qazaqstan halqy Assambleiasynyń Tóraǵasy, Elbasy Nursultan Nazarbaev QHA Keńesi usynǵan Parlament Májilisi depýtattyǵyna kandidattarǵa daýys berdi.
.jpeg)