قازاقستان حالقى اسسامبلەياسىنان ۇسىنىلعان قر پارلامەنتٸ مەجٸلٸسٸنٸڭ دەپۋتاتتارىن سايلاۋ بويىنشا قازاقستان حالقى اسسامبلەياسىنىڭ XXVIII سەسسيياسى بارىسىندا ەلباسى نۇرسۇلتان نازارباەۆ قحا-نىڭ ماڭىزدىلىعى تۋرالى ايتتى, دەپ حابارلايدى "ۇلت اقپارات".
تۇڭعىش پرەزيدەنت بٷكٸلحالىقتىق سايلاۋ ٶتكٸزٸلٸپ, تۇتاس حالىق بولىپ ەلدٸڭ بولاشاعىنا داۋىس بەرگەنٸن اتاپ ٶتتٸ.
«بۇل الداعى بەسجىلدىق باعدارلامامىزدى بەكٸتكەن ٷلكەن سايلاۋ بولدى. بۇل سايلاۋدا Nur Otan پارتيياسى تاعى دا ٷلكەن جەڭٸسكە جەتٸپ, حالىقتىڭ سەنٸمٸنە بٶلەندٸ. سوندىقتان الدىمىزدا اۋقىمدى جۇمىستار تۇر. بٷگٸن كونستيتۋتسييامىز بويىنشا قازاقستان حالقى اسسامبلەياسىنان سايلاناتىن 9 كانديداتقا داۋىس بەردٸك. اسسامبلەيامىز 25 جىلدان بەرٸ ەلٸمٸزدەگٸ ەتنوستار مەن دٸندەردٸ بٸر-بٸرٸنە جاقىنداستىراتىن, تٶزٸمدٸلٸكتٸ تەربيەلەيتٸن, بٸرلٸكتٸ ناسيحاتتايتىن, ەلٸمٸزدٸ العا جەتەلەيتٸن بٸرەگەي ورگان بولىپ كەلە جاتىر», - دەدٸ ەلباسى.
وسى ورايدا ن. نازارباەۆ باسقا ەلدەر قازاقستان تەجٸريبەسٸن ٷيرەنٸپ جاتقانىن اتاپ ٶتتٸ. سوندىقتان اسسامبلەيادان سايلانعان دەپۋتاتتار ەلدٸڭ بٸرلٸگٸن ساقتاپ, قازاق حالقىنىڭ تٶڭٸرەگٸندە بارلىق ادامداردى بٸرٸكتٸرۋگە ٶز ٷلەستەرٸن قوسادى.
بۇدان بۇرىن حابارلانعانداي, قازاقستان حالقى اسسامبلەياسىنىڭ تٶراعاسى, ەلباسى نۇرسۇلتان نازارباەۆ قحا كەڭەسٸ ۇسىنعان پارلامەنت مەجٸلٸسٸ دەپۋتاتتىعىنا كانديداتتارعا داۋىس بەردٸ.
.jpeg)