Ekonomikalyq daǵdarys pen pandemiia kezeńinde elimizge memlekettiń odan ári damýy úshin mańyzdy sheshimder qabyldaýda turaqtylyqty saqtai alatyn Parlament qajet. Bul týraly «Qazaqstandyq bilim jáne ǵylym qyzmetkerleriniń salalyq kásipodaǵy» QB tóraǵasynyń orynbasary Áliia Ábieva aitty, dep habarlaidy QazAqparat.
«Aldaǵy sailaý demografiialyq qaita qurý turǵysynan bizdiń memleketimizdiń odan ári damýyndaǵy mańyzdy oqiǵaǵa ainalýy kerek. Jańa ózgeristerge sáikes, Parlamentte alǵash ret áielder men jastarǵa arnalǵan 30% kvota berildi. Bul eldiń qoǵamdyq-saiasi protsesterine belsendi qatysýǵa yqpal etedi. Qazir tizimniń úshten bir bóligi áielderden turady. Depýtattyqqa úmitkerler arasynda jastar bar. Qazirgi sailaýda azamattyq belsendiliktiń, táýelsiz baqylaýshylardyń, jastardyń sailaý protsesine degen qyzyǵýshylyǵynyń artyp kele jatqanyn baiqap otyrmyz», - dedi Áliia Ábieva.
Onyń aitýynsha, bilim jáne ǵylym qyzmetkerleriniń salalyq kásipodaǵy QR Kásipodaqtary federatsiiasynyń iri múshe uiymdarynyń biri retinde eńbek adamynyń quqyqtary men múddelerin qorǵaidy jáne mańyzdy ishki saiasi protsesterden tys qala almaidy.
«Bizdiń ókilder kásipodaqtar federatsiiasynyń baiqaýshylar shtatyna engizilip, sailaýdy baqylaýǵa qatysýshylardyń is-sharalar josparyn júzege asyrýdyń jelilik kestesi quryldy. Kásipodaq Federatsiianyń sailaý kúni sailaýdyń ashyqtyǵyn qamtamasyz etý jónindegi bastamasyn qoldaidy. Biz baqylaýshylar retinde sailaýdy ashyq, erkin jáne demokratiialyq jaǵdaida ótkizýge kómektese alamyz. Nátijesi qandai bolmasyn, osy sailaýlar saiasattaǵy turaqtylyqqa ákeledi dep úmittenemiz. Ekonomikalyq daǵdarys pen pandemiia kezeńinde elge eldiń odan ári damýy úshin mańyzdy sheshimder qabyldaýda turaqtylyqty saqtai alatyn Parlament qajet», - deidi ol.
