QR Parlamenti Májilisiniń tóraǵasy Nurlan Nyǵmatýlin sailaý biýlletenderine «Barlyǵyna qarsymyn» grafasyn engizýdiń mańyzdylyǵyn aityp berdi, dep habarlaidy "Ult aqparat".
«Barlyǵyna qarsymyn» grafasy Memleket basshysy Qasym-Jomart Toqaevtyń tikelei tapsyrmasymen sailaý biýlletenderine engizilýde. Parlament sessiiasynyń ashylýynda Prezident «Balama pikirler», «Barlyǵyna qarsy daýys berý» siiaqty uǵymdardyń qazaqstandyqtar úshin qalypty jaǵdai bolýy qajettigin atap ótti. Bul shara birde-bir kandidatqa nemese birde-bir partiiaǵa qanaǵattanbaǵan azamattarǵa óz pikirin bildirýge múmkindik beredi. Halyqaralyq tájiribeni taldaý kórsetkendei, bul ustanym – «barlyǵyna qarsymyn» baǵany kóptegen elderdiń sailaý biýlleteninde bar. Kórshilerimiz Reseide, Aýstraliia, Ispaniia, Úndistan jáne birqatar Eýropa elderinde bar», - dedi Nurlan Nyǵmatýlin Májilistiń jalpy otyrysynda.
«Sondyqtan, meniń oiymsha, osy grafany engizý arqyly azamattarymyzdyń tańdaý erkindigin qamtamasyz etemiz. Bul óte mańyzdy norma jáne Memleket basshysynyń tikelei tapsyrmasy ekenin qaitalaǵym keledi jáne biz bul normany mindetti túrde qoldaimyz», - dedi Májilis tóraǵasy.
Aita keteiik, QR Ulttyq ekonomika ministri Áset Erǵaliev «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańyna ózgerister men tolyqtyrýlar engizý týraly» QR Konstitýtsiialyq zańy jobasyn tanystyrdy.
Onda aýdan ákimderin sailaý, Parlament Májilisine sailaý kezinde saiasi partiialardyń ótý shegin 7%-dan 5%-ǵa deiin tómendetý jáne barlyq deńgeidegi sailaý biýlletenderine «barlyǵyna qarsymyn» grafasyn engizý usynystary aitylǵan.
Zań jobasyn Májilistiń jalpy otyrysyna qatysyp otyrǵan 95 depýtattyń barlyǵy maquldady.
