قر پارلامەنتٸ مەجٸلٸسٸنٸڭ تٶراعاسى نۇرلان نىعماتۋلين سايلاۋ بيۋللەتەندەرٸنە «بارلىعىنا قارسىمىن» گرافاسىن ەنگٸزۋدٸڭ ماڭىزدىلىعىن ايتىپ بەردٸ, دەپ حابارلايدى "ۇلت اقپارات".
«بارلىعىنا قارسىمىن» گرافاسى مەملەكەت باسشىسى قاسىم-جومارت توقاەۆتىڭ تٸكەلەي تاپسىرماسىمەن سايلاۋ بيۋللەتەندەرٸنە ەنگٸزٸلۋدە. پارلامەنت سەسسيياسىنىڭ اشىلۋىندا پرەزيدەنت «بالاما پٸكٸرلەر», «بارلىعىنا قارسى داۋىس بەرۋ» سيياقتى ۇعىمداردىڭ قازاقستاندىقتار ٷشٸن قالىپتى جاعداي بولۋى قاجەتتٸگٸن اتاپ ٶتتٸ. بۇل شارا بٸردە-بٸر كانديداتقا نەمەسە بٸردە-بٸر پارتيياعا قاناعاتتانباعان ازاماتتارعا ٶز پٸكٸرٸن بٸلدٸرۋگە مٷمكٸندٸك بەرەدٸ. حالىقارالىق تەجٸريبەنٸ تالداۋ كٶرسەتكەندەي, بۇل ۇستانىم – «بارلىعىنا قارسىمىن» باعانى كٶپتەگەن ەلدەردٸڭ سايلاۋ بيۋللەتەنٸندە بار. كٶرشٸلەرٸمٸز رەسەيدە, اۋسترالييا, يسپانييا, ٷندٸستان جەنە بٸرقاتار ەۋروپا ەلدەرٸندە بار», - دەدٸ نۇرلان نىعماتۋلين مەجٸلٸستٸڭ جالپى وتىرىسىندا.
«سوندىقتان, مەنٸڭ ويىمشا, وسى گرافانى ەنگٸزۋ ارقىلى ازاماتتارىمىزدىڭ تاڭداۋ ەركٸندٸگٸن قامتاماسىز ەتەمٸز. بۇل ٶتە ماڭىزدى نورما جەنە مەملەكەت باسشىسىنىڭ تٸكەلەي تاپسىرماسى ەكەنٸن قايتالاعىم كەلەدٸ جەنە بٸز بۇل نورمانى مٸندەتتٸ تٷردە قولدايمىز», - دەدٸ مەجٸلٸس تٶراعاسى.
ايتا كەتەيٸك, قر ۇلتتىق ەكونوميكا مينيسترٸ ەسەت ەرعاليەۆ «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسييالىق زاڭىنا ٶزگەرٸستەر مەن تولىقتىرۋلار ەنگٸزۋ تۋرالى» قر كونستيتۋتسييالىق زاڭى جوباسىن تانىستىردى.
وندا اۋدان ەكٸمدەرٸن سايلاۋ, پارلامەنت مەجٸلٸسٸنە سايلاۋ كەزٸندە ساياسي پارتييالاردىڭ ٶتۋ شەگٸن 7%-دان 5%-عا دەيٸن تٶمەندەتۋ جەنە بارلىق دەڭگەيدەگٸ سايلاۋ بيۋللەتەندەرٸنە «بارلىعىنا قارسىمىن» گرافاسىن ەنگٸزۋ ۇسىنىستارى ايتىلعان.
زاڭ جوباسىن مەجٸلٸستٸڭ جالپى وتىرىسىنا قاتىسىپ وتىرعان 95 دەپۋتاتتىڭ بارلىعى ماقۇلدادى.
