Jýyrda elimiz kezekti demokratiialyq beleske shyqty. Parlament Májilisi men barlyq deńgeidegi máslihat depýtattarynyń sailaýy ótkizildi. Bul saiasi dodaǵa «Nur Otan» partiiasy úlken daiyndyqpen qatysyp, jeńiske jetti. Elbasy, Partiia Tóraǵasy Nursultan Nazarbaevtyń partiiany qaita jańǵyrtý baǵytyndaǵy tapsyrmalary oryndalyp, júieli jumys atqaryldy. Respýblika boiynsha 216 sailaýaldy baǵdarlama ázirlendi. Birde-bir oblys, qala, aýdan baǵdarlamadan shet qalǵan joq.
Partiia Tóraǵasynyń Birinshi orynbasary Baýyrjan Qydyrǵaluly óz paraqshasynda aldaǵy mindetter týraly baiandady. «Partiiamyzdyń depýtattyq korpýsy alǵashqy kúnnen bastap sailaýaldy ýádelerdi iske asyrýǵa kiristi. Bizdiń sailaýaldy basymdyqtarymyz «Halyq únine qulaq asatyn memleket» tujyrymdamasyn iske asyrý aiasynda halyqpen, onyń ishinde shalǵai eldi mekender turǵyndarymen jan-jaqty talqylaý qorytyndysy boiynsha qalyptastyryldy. Tek praimeriz barysynda ǵana biz azamattardan 20 myńnan astam usynys jinadyq. Budan bólek úgit-nasihat kezdesýleri kezeńinde taǵy 42 myńnan asa amanat tústi. Olardyń 65%-ten astamy aimaqtyq baǵdarlamalardy bekitý kezinde eskerildi. Elbasy, partiia Lideri Nursultan Nazarbaev aitqandai, «Nur Otan» depýtattary árbir óńirde, qala men aýdanda barlyq sailaýaldy mindettemelerdiń oryndalýyna júieli baqylaýdy qamtamasyz etýi tiis», – dedi B.Qydyrǵaliuly.
Túrkistan oblysy boiynsha da 17 sailaýldy baǵdarlama ázirlendi. Árbir aýdan, qalanyń óz jospary bekitildi. Jol kartasy ázirlenip, depýtattarymyzben tiisti jumystar júrgizildi. Biz árbir aýdan, qalanyń ózekti problemalaryn saraptap, ony baǵdarlamaǵa engizdik. Úgit-nasihat kezeńinde Túrkistan oblysynyń sailaýaldy shtabtarynyń qoǵamdyq qabyldaý bólmelerine turǵyndardan 2256 usynys pen amanat kelip tústi. Onyń 21 paiyzy áleýmettik qoldaý, 14,5 paiyzy turǵyn úi-kommýnaldyq sharýashylyqqa qatysty. Sonymen birge usynys-tilekterdiń 14 paiyzy turǵyn úi jáne jer máselesin kóterse, jumyspen qamtý máselesi boiynsha da amanattar kelip tústi. Usynystar men amanattar partiialyq baqylaýǵa alyndy. Onyń birazy sailaýaldy baǵdarlamaǵa engizilgen.
Endi biz osy baǵdarlamalardy júzege asyrý boiynsha naqty isterdi qolǵa alamyz. Búginde Túrkistan oblystyq máslihatynda «Nur Otan» partiiasynyń 37 ókili bar. Bizdiń fraktsiia basym daýysqa ie ári osy senimniń quny joǵary ekenin tereń túsinedi. Jalpy oblystyq, aýdandyq jáne qalalyq máslihattardy qosqanda oblysymyzda «Nur Otan» partiiasy 320 mandattyń 80 paiyzyn, iaǵni 263 oryndy ielendi. Túrkistan oblystyq máslihatyndaǵy «Nur Otan» partiiasy fraktsiiasynyń quramy 60%-ke jańardy.
El Prezidenti Qasym-Jomart Toqaev «Ózgerister joly: Ár azamatqa laiyqty ómir!» sailaýaldy baǵdarlamasyn tanystyrǵanda bizge naqty mindetter júktedi. Baǵdarlamany oryndaý – nazarymyzda. Aldaǵy 5 jylda Túrkistan oblysyn 7 baǵyt boiynsha damytýdy josparlap otyrmyz.
Olar:
1. Ekonomikalyq turaqty aimaq;
2. Jaily aimaq;
3. Áleýmettik baǵdarlanǵan aimaq;
4. Jastarǵa arnalǵan aimaq;
5. Mádenieti men tarihy bai aimaq;
6. Ashyq jáne esep beretin jergilikti organdar;
7. Qaýipsiz aimaq.
Óńirde týrizmdi damytý arqyly týrister sanyn 1,5 esege kóbeitý, iaǵni, 2 millionǵa jetkizý josparlanǵan. Ol úshin túrkistan qalasy men óńirdegi ózge de týristik nysandarǵa qoldaý kúsheiedi. «Nur Otan» partiiasy 2025 jylǵa deiin 124,9 myń jańa jumys ornyn (jylyna orta eseppen 24,9 myń) ashý mindetin qoiady, onyń ishinde 67,5 myń turaqty. Nátijesinde oblys boiynsha ortasha jalaqyny 149,4 myń teńgege deiin arttyrý josparlanýda.
Kásipkerlik pen aýyl sharýashylyǵyn damytý baǵytynda da júieli josparlar bar. Óńir jurtshylyǵyn sapaly jol men taza aýyz sýmen, «kógildir otynmen» qamtý máselesi de basty nazarymyzda bolady. Nurotandyqtar ózderine júktelgen jaýapkershilikti biledi jáne osy baǵytta jumys júrgizedi. Árbir depýtatqa tiisti tapsyrma berilip, jumys jospary túsindirilgen. Halyq qalaýlylary jergilikti atqarýshy bilikpen birge el senimin aqtaýǵa bar kúshin salady.
Beisen Tájibaev,
«Nur Otan» partiiasy Túrkistan oblystyq filialy tóraǵasynyń birinshi orynbasary,
oblystyq máslihattaǵy fraktsiia jetekshisi
