8 qazanda Qazaqstan Respýblikasy Ortalyq sailaý komissiiasynda Jigýli Moldaqalyquly Dairabaevtyń memlekettik tildi erkin meńgergendigin anyqtaý boiynsha Lingvistikalyq komissiianyń otyrysy ótti, dep habarlaidy "Ult aqparat" vedomstvonyń baspasóz qyzmetine silteme jasap.
Lingvistikalyq emtihan úsh kezeń boiynsha ótti: taqyryp boiynsha jazbasha tapsyrma oryndaý, ádebi shyǵarmadan úzindi oqý jáne kandidat tańdaǵan taqyryp boiynsha kópshilik aldynda keminde on bes minýt sóz sóileý.
Emtihan aiaqtalǵan soń, komissiia talqylaý ótkizdi. Otyrystyń qorytyndysyn Lingvistikalyq komissiianyń tóraǵasy, filologiia ǵylymdarynyń doktory, professor Ádil Ahmetov baiandady.
"Kandidattyń jazba jumysy «Meniń elim, meniń jerim» taqyrybynda boldy. Jazba jumysy mazmuny, stili, emlesi, tynys belgileri boiynsha baǵalandy. Kandidat berilgen ýaqytty tolyq paidalandy. Ekinshi tapsyrma boiynsha Abaidyń óleńderin oqydy. Úshinshi tapsyrma boiynsha «Kúshimiz – birlikte» taqyrybyna óz oiyn 15 minýt kóleminde baiandady.
Emtihan qorytyndysy boiynsha Lingvistikalyq komissiia Qazaqstan Respýblikasynyń Prezidenttigine kandidat Jigýli Moldaqalyquly Dairabaevtyń memlekettik tildi erkin meńgergendigi týraly ashyq daýyspen biraýyzdan sheshim qabyldady" - delingen habarlamada.
