8 قازاندا قازاقستان رەسپۋبليكاسى ورتالىق سايلاۋ كوميسسيياسىندا جيگۋلي مولداقالىقۇلى دايراباەۆتىڭ مەملەكەتتٸك تٸلدٸ ەركٸن مەڭگەرگەندٸگٸن انىقتاۋ بويىنشا لينگۆيستيكالىق كوميسسييانىڭ وتىرىسى ٶتتٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
لينگۆيستيكالىق ەمتيحان ٷش كەزەڭ بويىنشا ٶتتٸ: تاقىرىپ بويىنشا جازباشا تاپسىرما ورىنداۋ, ەدەبي شىعارمادان ٷزٸندٸ وقۋ جەنە كانديدات تاڭداعان تاقىرىپ بويىنشا كٶپشٸلٸك الدىندا كەمٸندە ون بەس مينۋت سٶز سٶيلەۋ.
ەمتيحان اياقتالعان سوڭ, كوميسسييا تالقىلاۋ ٶتكٸزدٸ. وتىرىستىڭ قورىتىندىسىن لينگۆيستيكالىق كوميسسييانىڭ تٶراعاسى, فيلولوگييا عىلىمدارىنىڭ دوكتورى, پروفەسسور ەدٸل احمەتوۆ باياندادى.
"كانديداتتىڭ جازبا جۇمىسى «مەنٸڭ ەلٸم, مەنٸڭ جەرٸم» تاقىرىبىندا بولدى. جازبا جۇمىسى مازمۇنى, ستيلٸ, ەملەسٸ, تىنىس بەلگٸلەرٸ بويىنشا باعالاندى. كانديدات بەرٸلگەن ۋاقىتتى تولىق پايدالاندى. ەكٸنشٸ تاپسىرما بويىنشا ابايدىڭ ٶلەڭدەرٸن وقىدى. ٷشٸنشٸ تاپسىرما بويىنشا «كٷشٸمٸز – بٸرلٸكتە» تاقىرىبىنا ٶز ويىن 15 مينۋت كٶلەمٸندە باياندادى.
ەمتيحان قورىتىندىسى بويىنشا لينگۆيستيكالىق كوميسسييا قازاقستان رەسپۋبليكاسىنىڭ پرەزيدەنتتٸگٸنە كانديدات جيگۋلي مولداقالىقۇلى دايراباەۆتىڭ مەملەكەتتٸك تٸلدٸ ەركٸن مەڭگەرگەندٸگٸ تۋرالى اشىق داۋىسپەن بٸراۋىزدان شەشٸم قابىلدادى" - دەلٸنگەن حابارلامادا.
