Ýchaskelik sailaý komissiialary QR Parlamenti Májilisi men máslihat depýtattaryn sailaýdaǵy sailaýshylardyń daýysyn sanaýǵa kiristi. Bul týraly QR Ortalyq sailaý komissiiasy tóraǵasynyń orynbasary Konstantin Petrov aitty, dep habarlaidy "Ult aqparat".
Onyń atap ótinshe, Qazaqstan aýmaǵynda sailaý aiaqtaldy. Al elimizdiń shet memleketterdegi ókildikteri janynan ashylǵan 42 sailaý ýchaskesinde daýys berý júrip jatyr.
«Sailaý komissiialary daýystardy sanaýǵa kiristi. «QR-daǵy sailaý týraly» Konstitýtsiialyq zańnyń 43-baptyń 1-tarmaǵyna sáikes, sailaý ýchaskelerinde daýystardy sanaý sanaq bastalǵannan keiin 12 saǵattan aspaýy tiis. Daýys berý nátijeleriniń hattamalary birden tiisti aýmaqtyq sailaý komissiiasyna jiberiledi. Partiialyq tizim boiynsha sailaý nátijesi Ortalyq sailaý komissiiasynyń otyrysynda anyqtalady», - dedi Konstantin Petrov.
QR OSK tóraǵasynyń orynbasary aýmaqtyq sailaý komissiialarynan daýys berý qorytyndysy elektrondy túrde erteń kelip túsetinin aitty.
Sailaýdyń aldyn ala qorytyndysy OSK brifingi barysynda jariialanady.
