ۋچاسكەلٸك سايلاۋ كوميسسييالارى قر پارلامەنتٸ مەجٸلٸسٸ مەن مەسليحات دەپۋتاتتارىن سايلاۋداعى سايلاۋشىلاردىڭ داۋىسىن ساناۋعا كٸرٸستٸ. بۇل تۋرالى قر ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ ايتتى, دەپ حابارلايدى "ۇلت اقپارات".
ونىڭ اتاپ ٶتٸنشە, قازاقستان اۋماعىندا سايلاۋ اياقتالدى. ال ەلٸمٸزدٸڭ شەت مەملەكەتتەردەگٸ ٶكٸلدٸكتەرٸ جانىنان اشىلعان 42 سايلاۋ ۋچاسكەسٸندە داۋىس بەرۋ جٷرٸپ جاتىر.
«سايلاۋ كوميسسييالارى داۋىستاردى ساناۋعا كٸرٸستٸ. «قر-داعى سايلاۋ تۋرالى» كونستيتۋتسييالىق زاڭنىڭ 43-باپتىڭ 1-تارماعىنا سەيكەس, سايلاۋ ۋچاسكەلەرٸندە داۋىستاردى ساناۋ ساناق باستالعاننان كەيٸن 12 ساعاتتان اسپاۋى تيٸس. داۋىس بەرۋ نەتيجەلەرٸنٸڭ حاتتامالارى بٸردەن تيٸستٸ اۋماقتىق سايلاۋ كوميسسيياسىنا جٸبەرٸلەدٸ. پارتييالىق تٸزٸم بويىنشا سايلاۋ نەتيجەسٸ ورتالىق سايلاۋ كوميسسيياسىنىڭ وتىرىسىندا انىقتالادى», - دەدٸ كونستانتين پەتروۆ.
قر وسك تٶراعاسىنىڭ ورىنباسارى اۋماقتىق سايلاۋ كوميسسييالارىنان داۋىس بەرۋ قورىتىندىسى ەلەكتروندى تٷردە ەرتەڭ كەلٸپ تٷسەتٸنٸن ايتتى.
سايلاۋدىڭ الدىن الا قورىتىندىسى وسك بريفينگٸ بارىسىندا جارييالانادى.
