QR Densaýlyq saqtaý birinshi vitse-ministri Marat Shoranov «Nelikten sailaýdan keiin COVID-19 shaldyqqandar sany artty?» degen suraqqa jaýap berdi, dep habarlaidy QazAqparat
«Koronavirýs naýqastarynyń sany 15 qańtardan keiin kóbeie bastady. Al bizdegi sailaý 10 qańtarda ótti. Inkýbatsiialyq kezeńine qarasaq, 5 kún ishindegi kóbeiý sailaýǵa bailanysty bola almaidy. Jalpy bul ósim negizi uzaq jańajyldyq merekelerge bailanysty. Jyl aiaǵynda osy alańda áleýmettik qashyqtyq saqtap, betperde taǵýdy, jańa jyldy tek otbasymen qarsy alýdy eskertken edik. Qazirgi jaǵdai sol erejelerdiń saqtalmaýynan dep sanaimyz. Ózderińiz kórgendei, kei óńirlerde jaǵdai qiyndap jatyr. Biraq, bári bizdiń baqylaýda, ákimdiktermen turaqty túrde karantin sharalaryn kúsheitip jatyrmyz», - dep jaýap berdi vitse-ministr Ortalyq kommýnikatsiialar qyzmetinde ótken baspasóz máslihatynda.
Aita keteiik, 27 qańtardaǵy jaǵdaiǵa sáikes, Qazaqstan Respýblikasynda 181 117 adamda KVI+ jáne 47 575 adamda KVI- anyqtaldy. KVI+ boiynsha 163 156 adam jáne KVI- 35 348 adam jazylyp shyqqan. Juqpaly aýrýlar aýrýhanasyndaǵy tósek-orynnyń 31% (6 492 oryn) tolǵan, al jansaqtaý bóliminiń 20%-ynda 374 adam hál ústinde jatyr.
