Nur Otan partiiasy barlyq deńgeidegi ókildi organdardyń basym bóligin qalyptastyryp, máslihattaǵy mandattardyń jalpy sanynyń ortasha alǵanda 80%-ten astamyn qurady.
Bul jaiynda partiia tóraǵasynyń birinshi orynbasary Baýyrjan Baibek óziniń Facebook paraqshasynda málim etti.
«Qurmetti dostar! Elimizdiń barlyq aýdandarynda, qalalary men oblystarynda jańa shaqyrylymdaǵy máslihattardyń birinshi sessiialary ótti. Bizdiń fraktsiialarymyz sailaý qorytyndylary boiynsha barlyq deńgeidegi ókildi organdardyń basym bóligin qalyptastyryp, mandattardyń jalpy sanynyń ortasha alǵanda 80%-ten astamyn qurady. Partiiamyzdyń depýtattyq korpýsy alǵashqy kúnnen bastap sailaýaldy ýádelerdi iske asyrýǵa kiristi. Sonymen, «Nur Otan»-nyń sailaýaldy baǵdarlamalarynyń negizinde 2025 jylǵa deiingi 216 aýmaqtyq damý baǵdarlamasy bekitildi. Bizdiń sailaýaldy basymdyqtarymyz «Halyq únine qulaq asatyn memleket» tujyrymdamasyn iske asyrý aiasynda halyqpen, onyń ishinde shalǵai eldi mekender turǵyndarymen jan-jaqty talqylaý qorytyndysy boiynsha qalyptastyryldy. Tek praimeriz barysynda ǵana biz azamattardan 20 myńnan astam usynys jinadyq. Budan bólek úgit-nasihat kezdesýleri kezeńinde taǵy 42 myńnan asa amanat tústi. Olardyń 65%-ten astamy aimaqtyq baǵdarlamalardy bekitý kezinde eskerildi» dep jazady partiia basshysy.
Elbasy, partiia Lideri Nursultan Nazarbaev aitqandai, «Nur Otan» depýtattary árbir óńirde, qala men aýdanda barlyq sailaýaldy mindettemelerdiń oryndalýyna júieli baqylaýdy qamtamasyz etýi tiis.
Baýyrjan Baibektiń aitýynsha, ár baǵyt boiynsha nysanaly indikatorlar men merzimder qoiylyp, jaýapty oryndaýshylar belgilenedi. Úkimetpen jáne jergilikti atqarýshy organdarmen birlesip, bir ai ishinde árbir jylǵa naqty kórsetkishteri bar tiisti jol kartalary ázirlenip, jariia túrde qaraýǵa usynylady.
«El Prezidenti Qasym-Jomart Toqaev atap kórsetkendei, «Ózgerister joly: Ár azamatqa laiyqty ómir!» sailaýaldy baǵdarlamasy elimizdiń áleýmettik damýyn ilgeriletýge jáne halyqtyń ál-aýqatyn arttyrýǵa baǵyttalǵan naqty sharalardyń tiimdi keshenin usynady. Maqsaty aiqyn, naqty ister partiiasy retinde «Nur Otan» barlyq deńgeide óziniń sailaýaldy ýádelerin iske asyrýdy qamtamasyz etedi! Qiyndyqty eńserip, jeńiske birge jetemiz» dep túiindedi sózin Baýyrjan Baibek.
.jpeg)