Almatyda aldaǵy qalalyq máslihat depýtattaryn sailaýǵa daiyndyq jumystary belsendi júrgizilýde. Almaty qalasynyń azamattyq aliansynyń sailaýdy baqylaý jónindegi qoǵamdyq ortalyǵy 10 qańtarda barlyq zańdylyq normalaryna sáikes sailaý ótkizýge kómektesetin keńesshilerdi daiyndaidy, dep habarlaidy "Ult aqparat".
Keńes berýshilerdiń basty mindeti – daýys berý kúni baqylaýshylardyń jumysyn uiymdastyrý jáne olarǵa kómektesý. Ol úshin ortalyq bazasynda aýdandyq úilestirýshilermen kezdesýler ótkizilýde.
Búgin kezdesý qorytyndysy boiynsha Áýezov aýdanynyń «Qazaqstannyń Azamattyq aliansy» QQ úilestirýshisi Sáýle Dosymbekova jumystyń qalai qurylatyny týraly aityp berdi.
«Áýezov aýdanynda 100 sailaý ýchaskesi bar. Olardyń jumysyn úilestirý úshin 15 úilestirýshi brigadir anyqtaldy, olar óz kezeginde konsýltanttardyń jumysyn úilestiredi. Búgin uiymdastyrýǵa qatysty, baqylaýshylarmen jumys boiynsha jumys keńesi ótti. Sailaý quqyǵy, erekshe (beiqalypty) jaǵdailar boiynsha 2 saǵattyq seminarlar ótetin baqylaýshylar mektebinde oqytý siiaqty máseleler kóterildi. Konsýltanttarǵa qosylatyn mindetti shart – osy kýrstardan ótý. Sondai- aq, baqylaýshylar úshin jadynamalar daiyndaldy», - dep túsindirdi ol.
Úilestirýshilerdiń mindetterine konsýltanttardyń daiyndyǵyn tekserý, baqylaýshylar mektebinde oqý qorytyndylary boiynsha olardyń biliktilik daiarlyǵynyń qorytyndylary kiredi. Sondai-aq, úilestirýshiler daýys berý kúni erekshe jaǵdailar týyndaǵan jaǵdaida máselelerdi sheshýge shaqyrylady.
Esterińizge sala keteiik, sailaýdy baqylaý jónindegi qoǵamdyq ortalyq QR Azamattyq aliansynyń múshesi — Almaty qalasynyń azamattyq aliansynyń bastamasymen qurylǵan bolatyn. Ortalyqtyń basty maqsaty – daýys berý rásimine keń azamattyq baqylaýdy qamtamasyz etý, sondai-aq Qazaqstan Respýblikasy Parlamenti Májilisiniń jáne Almaty qalasy máslihatynyń depýtattaryn sailaý boiynsha daýys berý qorytyndylaryn shyǵarý bolyp tabylady.
Aita keteiik, Qazaqstannyń Azamattyq Aliansyna úkimettik emes sektordy damytýǵa járdemdesýge mindetti 500 kommertsiialyq emes uiym kiredi.
Sondai-aq, búgin «Almaty qalasynyń Kásipodaq ortalyǵy» aýmaqtyq kásipodaqtar birlestiginiń baqylaýshylar mektebinde «Meniń sailaý quqyǵym» baǵdarlamasy aiasynda kezekti sabaqtar ótkizildi.
Aita ketý kerek, 2021 jylǵy sailaý jańa jaǵdaida – koronavirýstyq pandemiia kezinde ótedi. Sonymen qatar, sailaý zańnamasyna engizilgen jańa túzetýlerge sáikes 16 jyl ishinde alǵash ret parlamenttik sailaý merziminen buryn ótkizilmeidi. Parlament Májilisi turaqty komitetteriniń bir tóraǵasy men eki hatshysyn sailaý parlamenttik oppozitsiia depýtattarynyń arasynan júzege asyrylatyn bolady. Parlamenttik praktikada alǵash ret áielder men jastarǵa arnalǵan partiialyq tizimderde 30 paiyzdyq kvota engizildi.
Oqytý barysynda «Tatýlasý ortalyǵy» tatýlastyrý ortalyǵynyń mamandary QR Zańnamasy aiasynda sailaý kezindegi tártip erejelerin túsindirdi. Etika, sondai-aq buqaralyq aqparat quraldarymen ózara is-qimyl máseleleri qozǵaldy.
«Biz úshin kez kelgen adamnyń erik bildirý bostandyǵy, eń aldymen, qandai da bir ekonomikalyq, ákimshilik yntalandyrýlardan, quqyqtyq óristen tys yqpal etýden emes, onyń nanymynan shyǵýy óte mańyzdy. Bizdiń baqylaýshylarymyzdyń qysqa merzimdi missiiasy sailaý týraly zańnamada kózdelgen barlyq rásimderdiń saqtalýynan turady», - dep atap ótti aýmaqtyq kásipodaqtar birlestiginiń baqylaýshylar shtabynyń tóraǵasy Serikjan Baiǵutdinov.
Baqylaýshylar sailaý kezinde jiberilgen barlyq buzýshylyqtardy tirkep otyrady.
«Sailaý kezinde bizdiń baiqaýshylarymyz zańnama aiasynda qatań áreket etetin bolady. Olar, atap aitqanda, sailaý komissiiasynyń otyrysyna qatysa alady, sailaýshylardyń sany týraly aqparat ala alady (ýchaskede jáne úi-jaidan tys jerde), tasymaldanatyn sailaý jáshikterin alyp júre alady, daýys berý barysyn, daýystardy sanaýdy jáne nátijelerdi resimdeýdi baqylai otyryp, atalǵan barlyq rásimderdi anyq kóre alady. Olardyń mindetteriniń biri – sailaýshylardyń ýchaskege kelýi múmkin bolmaǵan jaǵdaida olarǵa daýys berýge arnalǵan úi-jaidan tys jerde daýys berýine qatysý», - dep bólisti kásipodaqtar atynan baqylaýshylar shtabynyń tóraǵasy.
Serikjan Baiǵutdinov atap ótkendei, baiqaýshylar belgili bir kandidatqa nemese partiiaǵa óz kózqarasyn bildirmeýi kerek, kez kelgen túrde sailaý protsesine jáne sailaý komissiiasynyń jumysyna aralaspaýy tiis.
