Qazaqstanda ýchaskelik jáne aýmaqtyq sailaý komissiialarynyń 70 myńnan astam múshesi elektoraldy oqytýdan ótedi. Bul týraly Ortalyq sailaý komissiiasynyń hatshysy Sábila Mustafina aityp berdi, dep habarlaidy QazAqparat.
Ortalyq sailaý komissiiasynyń usynymymen kaskadty model boiynsha tómen turǵan komissiialardy oqytýdy kózdeitin jospar qurylǵan.
«Mundai model Eýropa qaýipsizdik jáne yntymaqtastyq uiymynyń kóptegen elderinde qoldanylady. QR Ortalyq sailaý komissiiasynyń tapsyrysymen kásibi negizde ázirlengen oqý-ádistemelik materialdar oqytýdyń ádistemelik bazasyna negiz boldy, olar OSK saityna ornalastyryldy. OSK elektrondyq sertifikattaryn berýge jáne sailaý komissiialarynyń múshelerine ázirlengen qashyqtan oqytý men testileý júiesin paidalanýǵa erekshe nazar aýdaryldy. QR Sailaý júiesi ýchaskelik jáne aýmaqtyq sailaý komissiialarynyń 70 myńnan astam múshesin qamtidy. Qashyqtyqtan oqytý formaty 2018 jyly oqytýdyń jeke baǵyty retinde qabyldanǵan», - dedi Ortalyq sailaý komissiiasynyń hatshysy S. Mustafina komissiiada ótken otyrysta.
Otyrys barysynda Ortalyq sailaý komissiiasynyń tóraǵasy Berik Imashev pandemiia kezeńinde qashyqtan oqytýdyń mańyzdylyǵyn atap ótti.
«Sailaýdy uiymdastyrýshylar men sailaý protsesiniń basqa da qatysýshylaryn elektoraldy oqytý – sailaý protsesiniń mańyzdy quramdas bólikteriniń biri bolyp sanalady. Sailaý protsesine qatysýshylardy qashyqtan oqytýdyń damyǵan jáne engizilgen júiesi pandemiia jaǵdaiynda belsendi qoldanylady», - dedi Berik Imashev.
